Qyrǵyzstanda snarıad jarylyp, eki adam zardap shekti

<p>BІShKEK. KAZINFORM &mdash; Tájikstanmen shekaralas Batken oblysynyń Leılek aýdany Arqa-2 aýylynda turǵyn úılerdiń birinde belgisiz jarylǵysh zat jarylǵan, dep habarlaıdy Kazinform <a href="https://www.inform.kz/ru/v-kirgizstane-iz-za-vzriva-snaryada-postradali-dva-cheloveka-f2b4a4" target="_blank" rel="noopener">menshikti tilshisi.</a></p>

Oqys oqıǵa 5 qańtarda bolǵan.

Qyrǵyzstan Respýblıkasy UQMK Shekara qyzmetiniń aldyn ala málimetinshe, jarylysqa úı ıesi eski qurylys materıaldarynyń arasynan taýyp alǵan snarıad sebep bolǵan.

Jarylys saldarynan áıel men onyń qasynda bolǵan on eki jasar qyzy jaraqat aldy.

Anyqtalǵandaı, 2022 jyly olardyń úıi atqylaý saldarynan órtenip ketken.

Qazirgi kezde zardap shekkender aýrýhanada jatyr, olarǵa qajetti medıtsınalyq kómek kórsetildi. Olardyń densaýlyq jaǵdaıy turaqty dep baǵalanyp otyr. 

Oqıǵa ornynda tártip saqshylary jumys istep jatyr, oqıǵanyń mán-jaıy anyqtalatyn bolady.

— Sonymen qatar, sol kúni Qyrǵyz Respýblıkasy men Tájikstan Respýblıkasynyń quqyq qorǵaý organdarynyń ókilderi arasynda kezdesý ótip, onda tájik tarapy bolǵan oqıǵa týraly habardar etildi. Qyrǵyz Respýblıkasy UQMK Shekara qyzmeti shekaralas aımaqtardyń turǵyndaryn qyraǵy bolýǵa jáne tabylǵan kúdikti zattarǵa qol tıgizbeýge, dereý shekara bólimshelerine nemese quqyq qorǵaý organdaryna habarlaýǵa shaqyrady, — delingen habarlamada.

Buǵan deıin habarlaǵanymyzdaı, Qyrǵyzstan memlekettik tirkeýsiz dinı nekege tyıym salmaqshy.