Qyrǵyzstanda ishki saýdany sommen júrgizý usynyldy

<p>ASTANA. KAZINFORM &ndash; Qyrǵyzstanda eldegi taýarlar men qyzmetter tólemin tek sommen júzege asyrý usynyldy. Tıisti zań jobasyn parlament depýtattary qoǵamdyq talqylaýǵa shyǵardy.</p>

Búgingi tańda respýblıkada ishki saýdanyń (jyljymaıtyn múlik, avtokólikter operatsııalary, nesıe berý, týrlar uıymdastyrý) shetel valıýtasynda júzege asyrylýy eldiń ulttyq valıýtasy - somǵa qysymnyń kúsheıýin bildiretini atap ótildi. Nesıe berý júıesinde turǵyn úıdi bólip tóleý arqyly azamattar elde valıýta baǵamynyń kúrt ózgerýi nemese shetel valıýtasynyń aıyrbas baǵamynyń jasandy ósýi kezinde qaryzdaryn óteýde qıyndyqtarǵa jıi ushyraıdy.

Osyǵan baılanysty zań jobasynda somnyń mártebesin kúsheıtip, el ishinde saýdany tek ulttyq valıýtada júrgizý usynylady. Shetel valıýtasyndaǵy kiristeri men shyǵystary bar sharýashylyq júrgizýshi sýbektiler eksport pen ımportqa baılanysty saýda qyzmetin shetel valıýtasynda júzege asyra alady.

Buǵan deıin Qyrǵyzstannyń Ulttyq banki eseptik mólsherlemeni 9 paıyz deńgeıinde qaldyrǵany habarlanǵan bolatyn.