Qyrǵyzstanda sheteldik stýdentter úshin mindetti medıtsınalyq saqtandyrý engizilýi múmkin

<p>BІShKEK. KAZINFORM &ndash; Qyrǵyzstannyń Densaýlyq saqtaý mınıstrligi &laquo;Meken kartasyna&raquo; ıe shetel azamattyǵy bar otandastar men sheteldik stýdentter úshin mindetti medıtsınalyq saqtandyrý engizýdi usynyp otyr. Qyrǵyz Respýblıkasy Mınıstrler Kabınetiniń tıisti qaýlysynyń jobasy qoǵamdyq talqylaýǵa shyǵaryldy,</p>

Qujattyń maqsaty – Qyrǵyzstanda mindetti medıtsınalyq saqtandyrýǵa tıimdi qol jetkizý. 

Túzetýlerge sáıkes, «Meken kartasyna» ıe shetel azamattyǵy bar otandastar Qyrǵyz Respýblıkasynyń zańnamasynda belgilengen jaǵdaılarda mindetti medıtsınalyq saqtandyrý mártebesin alýy tıis. Sonymen qatar, bilim mekemesi sheteldikterdi mindetti medıtsınalyq saqtandyrý mártebesine ıe bolǵan jaǵdaıda ǵana qabyldaýǵa jáne oqytýǵa mindetti.

Qyrǵyzstanda túrli sebeptermen (bilim alý, jumys, áskerı-saıası jáne áleýmettik-ekonomıkalyq jaǵdaıǵa baılanysty) Qytaı, Pákistan, Reseı, Úndistan, Iran jáne basqa elderden kelgen shetel azamattarynyń sany jyl saıyn artyp keledi. Qazirgi tańda elde Qyrǵyz Respýblıkasynyń bilim berý uıymdarynda 30 myńnan astam shetel azamaty bilim alýda.

Sheteldik azamattarǵa jáne Qyrǵyz Respýblıkasynyń joǵary oqý oryndarynda oqıtyn tulǵalarǵa mindetti medıtsınalyq saqtandyrý mártebesi bolǵan jaǵdaıda ǵana medıtsınalyq jáne basqa qyzmetterdi kórsetý azamattardyń osy sanaty úshin mindetti medıtsınalyq saqtandyrý júıesimen qamtýdyń qolaıly deńgeıine qol jetkizýge múmkindik beredi.