Qyrǵyzstanda sel saldarynan 1,3 myńnan astam adam evakýatsııalandy

<p>ASTANA. KAZINFORM&nbsp; -&nbsp; Qyrǵyzstannyń Nookat aýdanynda Apshyr-Saı demalys aımaǵynan 1,3 myńnan astam adam evakýatsııalandy. Olardyń arasynda zardap shekkender joq. Bul týraly Qyrǵyz Respýblıkasy Tótenshe jaǵdaılar mınıstrliginiń baspasóz qyzmeti málimdedi, dep habarlaıdy <a href="https://kabar.kg/news/iz-abshyr-ata-byli-evakuirovany-bolee-1-3-tys-chelovek/" target="_blank" rel="noopener">&laquo;Kabar&raquo;</a> agenttigi.</p>

Sondaı-aq Apshyr-Saı demalys aımaǵynan Tótenshe jaǵdaılar mınıstrligi tikushaǵymen bes adam, Kezart jaılaýynan 10 adam evakýatsııalandy. Olar qaýipsiz jerge jetkizildi. Evakýatsııalanǵan azamattardy dárigerler oqıǵa ornynda tekserip, úılerine jetkizdi.

«Barlyǵy 1,3 myńnan astam demalýshy evakýatsııalandy. Olardyń arasynda zardap shekkender joq», - delingen habarlamada.

Esterińizge sala keteıik, 28 maýsymda Nookat aýdanynda sel júrip, kópirlerdi, joldardy, elektr qosalqy stansalaryn shaıyp ketken. Sonymen qatar sel ózen jaǵasynda demalyp jatqan adamdardy alyp ketti. 1400-ge jýyq demalýshy Ábshir-Ata men Kezart jaılaýynda qalǵan. Qutqarýshylar jeti adamnyń máıitin tapty.

Esterińizge sala keteıik, Qyrǵyzstan Tótenshe jaǵdaılar mınıstrliginiń málimetinshe, Osh oblysy Nookat aýdany Ábshir-Ata aýylynda sel saldarynan kámeletke tolmaǵan eki Qazaqstan azamaty qaza tapqan. Taǵy ekeýi iz-túzsiz joǵalǵandar qatarynda.

QR Tótenshe jaǵdaılar mınıstrligi qaza tapqandardy Otanyna jetkizý úshin Osh qalasyna ushaq jiberedi.