Qyrǵyzstanda sel kezinde joǵalǵan eki jasar balanyń denesi tabyldy

<p>ASTANA. KAZINFORM &ndash; Qyrǵyzstannyń Osh oblysy Nooqat aýdany Apshyr-Ata aýylynda sel alyp ketken eki jasar balanyń denesi tabyldy. Bul týraly Qyrǵyz Respýblıkasy Tótenshe jaǵdaılar mınıstrliginiń baspasóz qyzmeti habarlady, dep jazdy <a href="https://kabar.kg/news/v-nookate-nashli-telo-dvukhletnego-rebenka-unesshego-selevym-potokom/" target="_blank" rel="noopener">Kabar</a> aqparat agenttigi.&nbsp;</p>

Vedomstvonyń málimetinshe, jedel izdestirý sharalarynyń nátıjesinde balanyń denesi keshe saǵat 15.50-de tabylǵan. Balany jergilikti turǵyndar taýyp, Іshki ister mınıstrliginiń qyzmetkerlerine tapsyrdy.

Qazirgi kezde quqyq qorǵaý organdary onyń tulǵasyn naqtylap jatyr.

Sel saldarynan qurban bolǵandar sany 10 adamǵa jetti.

«Búgin izdeý jumystaryna 85 qutqarýshy men 100-den astam jergilikti turǵyn jumyldyryldy», - delingen habarlamada.

Eske sala ketsek, Qyrǵyzstannyń Osh oblysyndaǵy Nooqat aýdanynda júrgen seldiń saldarynan mert bolǵandar sany 9 adamǵa jetkenin jazǵan bolatynbyz.

Sel joldardy shaıyp, kópirler men elektr qosalqy stantsııalaryn qıratty. Apshyr-Ata demalys aımaǵy men Kezart jaılaýynda 1400-ge jýyq adam sel ortasynda qaldy. Keıin olar Tótenshe jaǵdaılar mınıstrliginiń tikushaǵymen evakýatsııalandy.

Joıqyn sel tasqynynan qazaqstandyq balalar kóz jumǵany belgili boldy. 

Osy oqıǵaǵa baılanysty Qasym-Jomart Toqaev Qyryzstan prezıdenti Sadyr Japarovqa kóńil aıtty.