Qyrǵyzstanda sel aǵyzyp áketken tórt adamnyń denesi Ózbekstannan tabyldy

<p>OSh. KAZINFORM &mdash; Qyrǵyzstanda selmen aǵyp ketken 39 jastaǵy áıeldiń denesi arada eki kún ótkende Ózbekstandaǵy Ándijan ózeninen tabyldy. Bul jaıynda <a href="https://24.kg/" target="_blank" rel="noopener">24.kg</a> resýrsynan habarlandy.&nbsp;</p>

Onyń denesin kórshi eldiń qutqarýshylary 16 shildede tapty.  

Munyń aldynda 146 maman joǵalǵan áıeldi izdeýge jumyldyrylǵan edi. 

Eske sala keteıik, 14 shildede Qyrǵyzstannyń Osh oblysynda tolassyz jaýynnan keıin ózender arnasynan shyǵyp, Osh qalasy men aýyldarda sel júrip ótken bolatyn. 

Qalada tótenshe jaǵdaı jarııalandy.

Tasqyn «Molbulaq» demalys ortalyǵynda turyp jatqan 4 adamdy aǵyzyp áketti. Olardyń bári — bir otbasynyń músheleri, ıaǵnı 44 jastaǵy anasy men 19, 10 jáne 6 jasar úsh qyzy.

Qyzdardyń denesi Ózbekstan aýmaǵyndaǵy Shahrıhansaı kanalynan tabylǵan. Al anasynyń máıiti Aqbýra ózeninen shyǵaryldy. 

Osh oblysyndaǵy kúshti selden keıin Qarasý aýdandyq elektr jelilerinen elektr qýatyn alatyn 7,5 myń tutynýshy jaryqsyz qaldy.  

134 úıdi sý basyp, 17 úıdiń qorshaýyn qıratty.