Qyrǵyzstanda salyq qyzmetiniń basshysy men onyń orynbasary ustaldy

<p>BІShKEK. KAZINFORM &ndash; Qyrǵyzstannyń Ulttyq qaýipsizdik memlekettik komıteti laýazymyn asyra paıdalaný jáne jemqorlyq áreketi boıynsha Melekettik salyq qyzmetiniń tóraǵasy Altynbek Abdýývapov pen onyń orynbasary Islambek Kydyrgychovty ustady, dep habarlaıdy Kazinform agenttiginiń menshikti tilshisi QR QUMK-niń baspasóz qyzmetine silteme jasap.</p>

Arnaıy qyzmettiń málimetine súıensek, bul joǵary laýazymdy sheneýnikter elektrondy júkqujattardy paıdalaný barysynda jemqorlyqqa bardy degen kúdikke ilikti. Olar Ulttyq qaýipsizdik memlekettik komıtetiniń ýaqytsha ustaý ızolıatoryna qamaýǵa alynǵan. Zańmen belgilengen merzimde sheneýnikterge aıyp taǵylyp, isteri qaralady.

Taıaýda UQMK tóraǵasy Qamshybek Tashıev Joǵary Keńes otyrysynda salyq organy qyzmetkerleriniń aktsızdeletin taýarlardy jetkizý úshin elektrondy júkqujattardy paıdalaný tólemderin jasyrýǵa baılanysty sybaılas jemqorlyq shemasyn jasaǵanyn málimdegen bolatyn. Sonyń saldarynan memleketke 3,2 mıllıard som shyǵyn keltirilgen.

Sondaı-aq Qyrǵyzstannyń Ulttyq qaýipsizdik memlekettik komıtetiniń tóraǵasy ózin qorqytý úshin hat jazǵan adamnyń kim ekeni anyqtalyp, ustalǵany týraly habarlady.