Qyrǵyzstanda paranja kıip, saqal qoıǵandarǵa aıyppul salynady

<p>Qyrǵyzstanda qoǵamdyq oryndarda azamattardyń jeke basyn anyqtaýǵa múmkindik bermeıtindeı betin jaýyp turatyn kıim kıip, kólemdi saqal qoıǵan azamattarǵa zań boıynsha aıyppul salý usynyldy. Tıisti zań jobasy qoǵamdyq talqylaýǵa shyǵaryldy, dep habarlaıdy <a href="Kazinform" target="_blank" rel="noopener">Kazinform </a>agenttiginiń tilshisi.</p>

Qujatqa sáıkes, mundaı kıimdi medıtsınalyq sebepter boıynsha kııýge ruqsat etiledi. Sonymen qatar, bul talaptyń ýaqytsha eńbek nemese qyzmetpen aınalysatyn jáne dıplomatııalyq mártebesi bar sheteldik azamattarǵa qatysy joq.

Betin tolyǵymen jasyratyn jáne azamattardy anyqtaýǵa múmkindik bermeıtin kıim kıgeni úshin jeke tulǵalarǵa 20 eseptik kórsetkish (2000 som) mólsherinde aıyppul salynady nemese 30 saǵatqa deıin qoǵamdyq jumystarǵa tartylady.

Buzýshylyq qaıtalanǵan jaǵdaıda 40 eseptik kórsetkish (4000 som) kóleminde aıyppul salynady nemese 40 saǵatqa deıin qoǵamdyq jumystarǵa tartylady.

Qoǵamdyq oryndarda azamatty anyqtaýǵa múmkindik bermeıtin saqal qoıǵany úshin 20 eseptik kórsetkish mólsherinde (2000 som) aıyppul salynady nemese 30 saǵatqa deıin qoǵamdyq jumystarǵa tartylady. Eger qaıtalanǵan jaǵdaıda jeke tulǵalarǵa eń tómengi aılyq jalaqynyń 40 eseptik kórsetkish (4000 som) mólsherinde aıyppul salýǵa nemese 40 saǵatqa deıin qoǵamdyq jumystarǵa tartýǵa ákep soǵady.

Buǵan deıin habarlaǵanymyzdaı, zańnamalyq deńgeıde betti jaýyp turatyn paranja kııýge tyıym salýdy engizýdiń bastamashysy Qyrǵyz Respýblıkasy Jogorký Keneshiniń depýtaty Sharapatqan Majıtova boldy. Ol sońǵy ýaqytta elde betin tolyq jaýyp turatyn paranja kıgen áıelder sany artyp kele jatqanyn aıtty.