Qyrǵyzstanda mektepterde 12 jyldyq bilim berý engiziledi

<p>ASTANA. KAZINFORM &ndash; Qyrǵyzstannyń Mınıstrler kabıneti 12 jyldyq jalpy bilim berý júıesine kóshý tujyrymdamasyn bekitti.&nbsp;</p>

12 jyldyq bilim berýge kóshý Qyrǵyzstanǵa yńǵaıly ekeni aıtyldy. Sondaı-aq ınklıýzıvti jáne ınnovatsııalyq bilim berý júıesin qurýǵa múmkindik beretini erekshe atap ótildi. 

Tujyrymdamada aıtylǵandaı, mekteptegi bilim berýdiń jańa qurylymy birneshe jyl ishinde kezeń-kezeńimen júzege asyrylatyn bolady. Onyń ishinde pedagog kadrlardy daıarlaý jáne qaıta daıarlaý, bilim berý standarttary men baǵdarlamalaryn jasaý jáne beıimdeý, mektep ınfraqurylymyn jańartý basty orynǵa qoıylyp otyr. Qyrǵyz Respýblıkasynyń Bilim jáne ǵylym mınıstrligi mektep bitirýshiniń jasy eshbir jaǵdaıda ózgermeıtinin jáne 11 jyldyq bilimmen birdeı bolyp qalatynyn túsindirdi. Balalar 6 jastan bastap mektepke barady. 

Іske asyrýdyń negizgi qadamdary tómendegideı:  

· 2021 jyldan 2025 jylǵa deıingi daıyndyq kezeńi, onyń barysynda bilim berý standarttary men baǵdarlamalary jańartylyp, ınfraqurylym daıyndalady.

· bastapqy kezeń: 2025-2026 oqý jylynda 5,5-6 jasqa tolǵan balalar 12 jyldyq mekteptiń birinshi synybynda oqýdy bastaıdy. Mektepke deıingi mekemeler men mektepterdegi «Narıste» mektepke deıingi bilim berý baǵdarlamasyn aıaqtaǵan balalar jańa standarttar men baǵdarlamalar boıynsha oqý úshin 12 jyldyq mekteptiń 2-synybyna kóshedi. 

· Bir oqýshy – bir aýysý. Barlyq aýysýlar 2025-2026 oqý jylynan 2027-2028 oqý jylyna ótedi. 

· 2027-2028 oqý jylynan bastap 12 jyldyq mektepti bitirgeni týraly attestat beriledi.  

· Tolyq 12 jyldyq mekteptiń alǵashqy túlegi 2036-2037 oqý jylynda bolady. 2019 jyly týǵan balalar synyptan synypqa birte-birte, sekirmeı aýysady.

Eske sala keteıik, buǵan deıin Qyrǵyzstanda biliktiligi joq psıhologterdi jarnamalaýǵa tyıym salynǵanyn jazǵan edik.