Qyrǵyzstanda mektepte zańsyz aqsha jınaǵandarǵa aıyppul salynbaq

<p>BІShKEK. KAZINFORM - Qyrǵyzstan Jogorký Keneshiniń áleýmettik saıasat komıteti mektepterde zańsyz aqsha jınaý úshin aıyppul salýdy kózdeıtin keıbir zańnamalyq aktilerge túzetýler engizý jobasyn qabyldady, dep habarlaıdy Kazinform agenttiginiń <a href="https://www.inform.kz/ru/shtrafi-za-nezakonniy-sbor-deneg-v-shkolah-vvedut-v-kirgizstane-258fda" target="_blank" rel="noopener">menshikti tilshisi</a>.</p>

Zań jobasy mektepterde zańsyz qarajat jınaýdy jáne qoǵamdyq qorlar qurýǵa jol bermeý maqsatynda ázirlengen. Bul rette qujat metsenattyqqa jáne demeýshilik kómek kórsetýge eshqandaı kedergi keltirmeıdi.

Quqyq buzýshylyq týraly Kodekske «Memlekettik jalpy bilim beretin uıymdarda aqsha qarajatyn zańsyz jınaý» dep atalatyn 74-1-babyn engizý usynylyp otyr. Ony buzǵany úshin jeke tulǵalarǵa 200 eseptik kórsetkish (20 myń som nemese 114 myń teńge) mólsherinde aıyppul kózdeledi. Eger bul zań buzýshylyq mektep janynan qoǵamdyq qor qurý arqyly jasalsa, onda jeke tulǵalarǵa 400 eseptik kórsetkish (40 myń som nemese 229 myń teńge) jáne zańdy tulǵalarǵa 600 eseptik kórsetkish (60 myń som nemese 344 myń teńge) mólsherinde aıyppul salynady.

Buǵan deıin Qyrǵyz Respýblıkasy Jogorký Keneshiniń Quqyqtyq tártip, qylmysqa jáne sybaılas jemqorlyqqa qarsy is-qımyl komıteti Qyrǵyz Respýblıkasynyń Bilim týraly zańyna, Quqyqbuzýshylyq týraly kodeksine mektepte zańsyz aqsha jınaǵany úshin aıyppul salýdy qarastyratyn túzetýlerdi birinshi oqylymda qabyldaǵan bolatyn.

                                                                                                                                                                                                                                     Araılym Qaldarbek