BІShKEK. KAZINFORM – Qyrǵyzstannyń Ystyqkól oblysyndaǵy Jyrǵalań ózeniniń jazyǵynda karer qazý kezinde ejelgi mamonttyń tis súıeginiń synyqtary men jaq súıeginiń tómengi bóligi tabyldy. Bul týraly Qyrǵyzstannyń Mádenıet mınıstrligi habarlady.
Ony qarapaıym jumysshylar taýyp, keıin ol jerge kásibı arheologtar jiberilgeni atap ótildi.
Súıekterdiń nashar saqtalýyna baılanysty ǵalymdar qaldyqtardyń bir bóligin ǵana ajyratyp alǵan. Barlyq qalpyna keltirilgen bólikter tazalanyp, saqtaldy.
Tekserý barysynda karerdiń 3-5 metr tereńdiktegi qum-qıyrshyqtas shógindilerinen 140-150 metr qashyqtyqta eki jerden tis pen tómengi jaq súıekteriniń synyqtary tabyldy.
Aqparatqa sáıkes, súıekter murajaıǵa beriledi.
Jarasqan Nurybaev
Nurybaev Jarasqan Beknazaruly
1990 jyldyń 12 qańtarynda Ózbekstan Respýblıkasynda týǵan.
"Nızamı" atyndaǵy Tashkent Memlekettik Pedagogıka Ýnıversıtetiniń túlegi.
Gazet jáne telearnalarda tilshi ári telejúrgizýshi qyzmetin atqarǵan.
Birneshe Halyqaralyq aqyndar músháırasynyń júldegeri.
Qazirgi tańda QR Prezıdentiniń Teleradıokesheninde "Qazaqparat" HAA shyǵarýshy redaktory