Qyrǵyzstanda lańkestik áreket jasamaq bolǵan qylmysker ustaldy

<p>BІShKEK. KAZINFORM &ndash; Qyrǵyz Respýblıkasynyń Ulttyq qaýipsizdik komıteti terrorıstik jáne separatıstik qylmystar jasaǵany úshin izdeýde júrgen qyrǵyzstandyq A.I.I.-ny ustady.</p>

Arnaıy qyzmettiń málimetinshe, ustalǵan er adam men onyń Osh oblysynyń turǵyndary arasynan shyqqan sybaılastary 2010 jylǵy oqıǵadan keıin Qyrǵyzstan aýmaǵynda terakt jasaýdy josparlaǵan. Osy maqsatta olar atys qarýy men jarylǵysh zattar satyp alǵan.

2011 jyly MUQK qarý-jaraq pen jarylǵysh zattar qoımasyn anyqtady, sodan keıin A.I.I-diń eki sybaılasy ustalyp, sottaldy. Qylmystyq toptyń qalǵan tórt múshesi, onyń ishinde ustalǵan er adam qashyp úlgergen. Tórt adamnyń ekeýi Sırııaǵa qashyp, onda halyqaralyq lańkestik uıym jaǵynda bolǵan shaıqastar kezinde qaza tapty.