Qyrǵyzstanda quqyq qorǵaý organdary qyzmetkerlerin foto, vıdeoǵa túsirýge tyıym salynýy múmkin

<p>ASTANA.KAZINFORM - Qyrǵyzstan Jogorký Keneshiniń quqyq tártibi, qylmysqa qarsy kúres jáne sybaılas jemqorlyqqa qarsy is-qımyl komıteti birinshi oqylymda quqyq qorǵaý organdary qyzmetkerlerin foto, vıdeoǵa túsirip, keıin ınternette taratýǵa tyıym salatyn keıbir zańnamalyq aktilerge engizilgen túzetýlerdi maquldady.</p>

Zań jobasy Bılik ókiline nemese qoǵamdyq tártipti qorǵaý jónindegi mindetterdi atqaratyn nemese qoǵamdyq tártipti buzýdyń jolyn kesetin ózge adamǵa qarsylyq kórsetýge baılanysty buzaqylyq boıynsha sanktsııalardy quqyqtyq qorǵaýǵa jáne kúsheıtýge baǵyttalǵan.

Qoǵamda ishki ister organdary men basqa da quqyq qorǵaý organdarynyń qyzmetkerlerine baǵynbaý, qorlaý jáne qarsylyq kórsetý faktileri, sondaı-aq qyzmettik mindetterin atqarý kezinde olardyń jumysyna zańsyz aralasý, foto jáne vıdeo túsirilim arqyly bedelin túsirý maqsatynda olardy áleýmettik jelilerde taratý jıilep ketkeni atalyp ótti. 

Foto: Jogorký Kenesh

Zań jobasyna sáıkes, quqyq qorǵaý organy qyzmetkeriniń zańdy talabyna, sondaı-aq qoǵamdyq tártipti saqtaý jáne qoǵamdyq qaýipsizdikti qamtamasyz etý jónindegi mindetterdi atqaratyn ózge adamǵa baǵynbaý, sol sııaqty óziniń qyzmettik mindetterin oryndaıtyn qyzmetkerlerdiń qyzmetine quqyqqa qaıshy aralasý, quqyq qorǵaý organdary qyzmetkerleriniń jumysyn bedelin túsirý maqsatynda keıin ınternette tarata otyryp, foto jáne vıdeoǵa túsirgen jeke tulǵalarǵa 50 eseptik kórsetkish (5000 som) mólsherinde aıyppul salý nemese bes táýlikten jeti táýlikke deıin qamaýǵa alý jazasy qarastyrylady.

Buǵan deıin Qyrǵyzstanda biliktiligi joq psıhologtardyń jarnamasyna tyıym salynatyny habarlanǵan bolatyn. Sondaı-aq, elektr skýterlerin, velosıpedter, gıroskýterlerdi jáne basqa da jeke kólik quraldaryn paıdalaný máselesin retteý usynyldy.