Qyrǵyzstanda qyzylshamen aýyrǵandardyń sany artty

<p>ASTANA. KAZINFORM &mdash; Qyrǵyzstanda qyzylsha indetine baılanysty qyzylsha men qyzamyqqa qarsy qosymsha ımmýndaý naýqanynyń ekinshi kezeńine daıyndyq júrip jatyr. Bul týraly Kazinform saıtynyń menshikti tilshisi habarlady.&nbsp;</p>

Qyrǵyzstan Respýblıkasy Densaýlyq saqtaý mınıstrliginiń Respýblıkalyq ımmýnoprofılaktıka ortalyǵynyń málimetinshe, qyzylsha aýrýyna qatysty jaǵdaı shıelenisken kúıinde qalyp otyr. Elde qyzylshamen aýyrǵan 4855 adam tirkeldi. Vırýstyń belsendi aınalymy Bishkek, Shý jáne Jalal-Abad oblystarynda baıqalady.

«Aýrýdyń kóbeıýiniń negizgi sebebi balalar men eresekter arasynda qyzylsha men qyzamyqqa qarsy josparly ımmýndaýdan bas tartýdyń kóptigi sebep bolyp otyr. Naýqastardyń 85 paıyzy 10 jasqa deıingi balalar», - vedomstvonyń baspasóz qyzmeti. 

Respýblıkalyq ımmýnoprofılaktıka ortalyǵynda dárigerlerge arnalǵan trenıngter ótkizilýde, onyń maqsaty — medıtsına qyzmetkerleriniń áleýetin, halyqtyń habardarlyǵyn arttyrý.