Qyrǵyzstanda qyzylsha órship, eki mektep onlaınǵa aýystyryldy

<p>Jalal-Abad qalasynda qaýipti vırýsty syrqat &ndash; qyzylsha órshýine baılanysty eki mektep qashyqtan oqytýǵa kóshirildi, dep habarlady Qyrǵyz Respýblıkasynyń Bilim jáne ǵylym mınıstrligi. Kazinform agenttigi bul týraly&nbsp;<a href="https://kabar.kg/news/v-dzhalal-abade-iz-za-vspyshki-kori-dve-shkoly-otpravleny-na-distantcionnoe-obuchenie/" target="_blank" rel="noopener">Kabar agenttigine</a>&nbsp;silteme jasap habarlaıdy.</p>

Málimetke sáıkes, mundaı sheshimdi epıdemııaǵa jáne epızootııaǵa qarsy arnaıy komıssııa shyǵardy.

«Osylaısha, K.Zakırov atyndaǵy №2 orta mekteptiń jáne A.Ýsmanova atyndaǵy №7 mekteptiń oqýshylary qyzylsha aýrýynyń taraýyna baılanysty qashyqtan bilim alýǵa jiberildi», - delingen habarlamada.

Sondaı-aq bul sheshim arqyly Jalal-Abad qalalyq bilim bólimine № 063 nysan negizinde aýrýǵa qarsy ekpeden bas tartqan nemese birrettik ekpe alǵan oqýshylar sanyn naqtylaý, ár mektep jáne balabaqshada dárigerdiń tekserýine jáne vaktsına egýge arnalǵan jeke bólmelerdi jabdyqtaý tapsyrylǵan.