Qyrǵyzstanda qazaqstandyq otbasy qar qursaýynan qutqaryldy

<p>Qyrǵyz Respýblıkasy Tótenshe jaǵdaılar mınıstrliginiń qyzmetkerleri Qazaqstannan kelgen bir otbasyn qar qursaýynan qutqardy. Bul týraly vedomstvo <a href="https://www.instagram.com/reel/C0oyfbdoKVA/?hl=ru" target="_blank" rel="noopener">Instagram-daǵy paraqshasynda</a> málim etti, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Oqıǵa 9 jeltoqsan kúni bolǵan. Qazaqstandyqtar «Nissan Patrol» kóligimen Yssyqkól oblysy Aq-sý aýdanyndaǵy Qyzyl-Qııa – Basharyn eldi mekenine ketip bara jatyp, qarda turyp qalǵan. 

«Aqparatqa sáıkes, kólikte bolǵan adamdar – 5 adamnan turatyn otbasy. Barlyǵy Qazaqstan Respýblıkasynyń azamattary. Olar «Qarakól» taý-shańǵy kýrortyna demalýǵa kelgen», - delingen málimette.

Oqıǵa ornyna eldiń Tótenshe jaǵdaılar mınıstrligi Taýda-qutqarý qyzmetiniń tórt qyzmetkeri, sondaı-aq mınıstrliktiń Aq-sý aýdandyq bóliminiń eki qutqarýshysy jetken. Qutqarý kóliginiń kómegimen qazaqstandyqtardyń mashınasy oppy qardan shyǵaryldy.

«Týrısterdiń jaǵdaıy qanaǵattanarlyq. Qazir olar Qarakólde, aýa raıynyń jaqsarýyn kútip otyr», - dep naqtylady Qyrǵyz mınıstrliginen.