Qyrǵyzstanda qar kóshkini júrip, on kólik týnnelde qalyp qoıdy

<p>BІShKEK. KAZINFORM &ndash; Qyrǵyzstannyń Jalal-Abad oblysynda qar kóshkini saldarynan týnneldegi 10 kólik qar qursaýynda qaldy, dep habarlaıdy Kazinform menshikti tilshisi.</p>

Qyrǵyz Respýblıkasy TJM málimetinshe, Jalal-Abad oblysy, Togýz-Toroý aýdanyndaǵy Balyqchy – Kazarman – Jalal-Abad balamaly tas jolynyń 346-348 shaqyrymynda qar kóshkini júrip, on kólikti qar basty.

Qardy tazalaýǵa TJM Jalal-Abad oblysy, Togýz-Toroý aýdanyna qarasty basqarmasy №46 ÓSB-niń 4 qyzmetkeri men ІІM 2 qyzmetkeri, sondaı-aq «China Road» kompanııasynyń 1 júk tıegish kóligi jumyldyryldy.

Eske sala ketsek, buǵan deıin Qyrǵyzstanda qar kóshkini basyp qalǵan alty adamnyń máıiti tabylǵany týraly jazǵan bolatynbyz.

Sondaı-aq tamyz aıynda Qyrǵyzstan taýlarynda qar kóshkini alpınıster tobyn basyp qaldy. Olardyń arasynda almatylyq qazaqstandyqtar men Máskeý turǵyny boldy.