Qyrǵyzstanda qar kóshkini basyp qalǵan alty adamnyń máıiti tabyldy

<p>ASTANA. KAZINFORM - 19 qazan kúni tańerteń qutqarýshylar izdestirý sharalarynyń nátıjesinde iz-túzsiz joǵalǵan qalǵan 3 adamnyń denesin tapty. Bul týraly Qyrǵyz Respýblıkasy Tótenshe jaǵdaılar mınıstrliginiń baspasóz ortalyǵy habar taratty, dep jazady <a href="https://kabar.kg/news/obnaruzheny-tela-vsekh-shesterykh-pogibshikh-pod-lavinoi-v-ak-sae/" target="_blank" rel="noopener">Kabar</a>.</p>

Qyrǵyzstan Tótenshe jaǵdaılar mınıstrliginiń qutqarýshylary kesheden beri Jalal-Abad oblysy Chatqal aýdany Aq-Saı mańyndaǵy qar kóshkini kezinde joǵalyp ketken alty azamatty izdestirdi.

3 adamnyń máıiti 18 qazan kúni tabylyp, tikushaqpen Qumbel aýdanyndaǵy shtabqa jetkizildi. Qutqarýshylar olardyń denesin polıtsııa qyzmetkerleri men týystaryna tapsyrdy.

Esterińizge sala keteıik, 9 qazan kúni Qanysh-Qııa aýylynyń 14 turǵyny men bir sheteldik taýǵa sırek kezdesetin ósimdiktiń tamyryn izdep shyǵyp, joǵalyp ketken bolatyn. Jedel izdestirý sharalarynyń nátıjesinde 16 qazanda segiz azamat aman-esen tabyldy, altaýy qar kóshkini astynda qalyp, mert boldy.

Osyǵan deıin Qyrǵyzstanda qaıtys bolǵandarǵa tas jáne mármárdan eskertkish qoıyp, taqtatas ornatýǵa tyıym salynatyny týraly jazdyq.