Qyrǵyzstanda geotermaldy energııany paıdalaný josparlanyp otyr

<p>ASTANA. KAZINFORM &ndash; Qyrǵyzstannyń Ekonomıka jáne saýda mınıstrligi Halyqaralyq qarjy korporatsııasymen (IFC) birlesip Qyrǵyz Respýblıkasyndaǵy jylý jáne aýany baptaý júıelerine geotermaldy energııany paıdalaný jónindegi birlesken baǵdarlamany iske qosty.</p>

Eldiń Ekonomıka jáne saýda mınıstri Danııar Amangeldıevtiń aıtýynsha, Qyrǵyzstan bul salaǵa ulttyq deńgeıde kóbirek kóńil bóletin bolady. Eldi geotermaldy ádis sııaqty senimdi jáne turaqty energııa kózimen qamtamasyz etý – strategııalyq mańyzdy sala.

Geotermaldy energııa boıynsha kóshbasshy elder qataryna AQSh, Shveıtsarııa, Frantsııa, Polsha, Islandııa, Qytaı jáne Túrkııa kiredi.

Qyrǵyzstanda jekemenshik sektordy geotermaldy energııany paıdalanýda jeńildikpen qarjylandyrý baǵdarlamalary ázirlenetin bolady.

Geotermaldy energııa – jerdiń ishki qabattarynan jylý energııasyn geotermaldy elektr stantsııalarynda elektr energııasyn óndirý úshin nemese tikeleı jylytý nemese ystyq sýmen qamtamasyz etý úshin paıdalanýǵa negizdelgen energııa salasy.