Qyrǵyzstanda el týyn ózgertýge qatysty zań jobasy qabyldandy

<p>Jogorký Kenesh otyrysynda depýtattar el týyn ózgertý týraly zań jobasyn ekinshi jáne úshinshi oqylymda qabyldady. Kazinform bul týraly&nbsp;<a href="https://kabar.kg/news/zhogorku-kenesh-odobril-izmenenie-flaga-kyrgyzstana/" target="_blank" rel="noopener">Kabar agenttigine</a>&nbsp;silteme jasap habarlaıdy.</p>

Zań jobasyn 59 depýtat qoldasa, taǵy beseýi oǵan qarsy daýys berdi.

Qyrǵyz Respýblıkasynyń memlekettik sımvolyn ózgertý usynysyn – spıker Nýrlanbek Shakıev pen depýtat Ýlan Prımov jasaǵan bolatyn. Olardyń sózinshe, qazir týdyń ortasyndaǵy kún sáýlesi men túndik túrlishe qabyldanady. Bireýler ony kúnbaǵysqa uqsatsa, endi biri kıiz úı bóligi retinde kóredi.

Daýys berýden keıin palata tóraǵasy áriptesterin týǵa túzetýdiń engizilýimen quttyqtady.

Málim etilgendeı, zań jobasy Qyrǵyz Respýblıkasynyń negizgi memlekettik rámizderiniń biri – Qyrǵyz Respýblıkasynyń týyn jetildirýge baǵyttalǵan. Atap aıtqanda, týdaǵy tolqyn tárizdi sáýlelerdiń pishinin túzý syzyqtarǵa ózgertý usynylǵan. El prezıdenti Sadyr Japarov bul bastamany qoldaıtynyn bildirgen edi. 

Qyrǵyz halqy memlekettik rámizdi ózgertýge qarsy narazylyq aktsııasyn ótkizgenin de aıta keteıik.