Qyrǵyzstanda EAEO-ǵa múshe memleket azamattarynyń elde bolý erejesi ózgerdi

<p>Qyrǵyzstanda bıyl 10 qazannan bastap shetel azamattary úshin elde bolý erejeleri ózgerdi. Olar Eýrazııalyq ekonomıkalyq odaqqa múshe memleketterdiń azamattaryna da qatysty bolmaq, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttiginiń menshikti tilshisi.&nbsp;</p>

QR SІM baspasóz qyzmetiniń habarlaýynsha, EAEO memleketteriniń azamattary Qyrǵyz Respýblıkasy aýmaǵynda arnaıy ruqsat qujatsyz 90 kúnnen artyq júre almaıdy jáne sol merzimnen keıin 80 kún ótkizip qana shekaradan qaıta kire alady.

90 kúnnen kóp ýaqytqa kelgen shetel azamattary kelý maqsatyna qaraı (mekenjaıy boıynsha tirkeý, turýǵa yhtııarhat, ýaqytsha turýǵa ruqsat, «Qaırylman» nemese «Meken-kart» dárejesi) elde júrýge ruqsat beretin qujatty alý úshin ókiletti organǵa júginýi qajet.

Mekeme Reseı Federatsııasy, Qazaqstan, Tájikstan, Armenııa, Belarýs, Grýzııa, Ázerbaıjan, Moldova azamattaryn alty aıdan aspaıtyn merzimge tirkeýge bolatynyn eske salady. Tirkeýdi kelý maqsatyna qaraı uzartý quqyǵy bar.

Shetel azamattarynyń kámelet jasyna tolmaǵan balalary men azamattyǵy joq tulǵalardy tirkeý olardyń ata-anasy, qamqorshysy jáne basqa da zańdy ókilderin tirkeý kezinde júzege asady.

Qyrǵyz Respýblıkasy kóshi-qon tártibin buzbas úshin shetel azamattaryn ereje saqtaýǵa shaqyrady.

Buǵan deıin Qyrǵyzstanda sheteldikterdiń kelýine qatysty jańa tártip kúshine engeni habarlanǵan bolatyn.