Qyrǵyzstannyń ońtústiginde sel júrip, bir adam qaza tapty

<p>BІShKEK. KAZINFORM &mdash; Sınoptıkterdiń boljamynsha, Talas, Osh, Jalal-Abad, Batken, Naryn oblystarynyń basym bóliginde, Shý, Ystyqkól oblystarynyń keı jerlerinde jańbyr jaýyp, naızaǵaı oınap, taýly aımaqtarda qar jaýady, dep habarlaıdy <a href="https://kabar.kg/news/v-kyrgyzstane-segodnia-dozhdlivo-v-nekotorykh-regionakh-seleopasno/" target="_blank" rel="noopener">Kabar</a> agenttigi.</p>

Taý bókterinde jáne joldardyń taýly bólikterinde qar jaýyp, kóktaıǵaq bolady. Batystan soǵatyn jel jyldamdyǵy 4-9 m/s jetedi.

Bishkekte búgin kóshpeli bult shyǵady, jaýyn-shashynsyz, kúndiz aýa temperatýrasy +23, túnde +11 gradýsqa deıin kóteriledi.

Sondaı-aq, 22-23 sáýirge boljanǵan qubylmaly aýa raıy men nóser jaýynǵa baılanysty Osh, Jalal-Abad, Batken oblystarynda sel júrý qaýpi joǵary.

Tótenshe jaǵdaılar mınıstrligi zardaptardyń aldyn alý úshin aryqtar men drenajdyq arnalardy tazalaýǵa keńes beredi.

Al Osh oblysynda tótenshe jaǵdaı rejımi engizildi.

Oblystyń eldi mekenderindegi selge baılanysty shuǵyl sharalar qabyldandy. Keshe Myrzake-Qara-Qulja-Alaıqýý tas jolynyń 41-shi shaqyrymynda sel júrip, bir adam qaza tapty. Laı aǵyny bir otbasynyń tórt adamy kele jatqan kólikti basyp qaldy. Jergilikti turǵyndar eki áıel men bir balany aman alyp qaldy. Er adamdy sel alyp ketken. Qutqarýshylar onyń denesin taýyp, týystaryna tapsyrdy.

Kúni keshe saǵat 21.00-de aımaq basshysy Elshibek Jantaev shtab otyrysyn ótkizip, onda tótenshe jaǵdaı engizý týraly sheshim qabyldandy.