TAShKENT. KAZINFORM — Epıtsentri Qyrǵyzstanda bolǵan jer silkinisinen Ózbekstannyń birneshe óńirinde kúshi 4 balǵa deıin jetken jerasty dúmpýleri sezildi, dep habarlaıdy Kazinform agenttiginiń menshikti tilshisi.
Ózbekstan Seısmıkalyq monıtorıng ortalyǵynyń dereginshe, jer silkinsi búgin saǵat 1:29–1:30 aralyǵynda tirkeldi.
Epıtsentrde, ıaǵnı Qyrǵyzstannyń Jalal-Abad óńirindegi jerasty dúmpýiniń kúshi 7 ball boldy. Tıisinshe, Ózbekstannyń Namanǵan (3-4 ball), Andıjan (3 ball), Ferǵana (2-3 ball), Syrdarııa oblystarynda (2 ball) jáne Tashkent qalasynda (2-3 ball) jer silkinisi sezildi.
Qosa keteıik, atalǵan jer silkinisi elimizdiń Jambyl, Túrkistan oblystarynda jáne Shymkent qalasynda sezildi.
Eske salaıyq, taıaýda Ózbekstannyń Qazaqstanmen shekaralas ornalasqan oblysynda jer silkingen bolatyn.
Álıhan Asqar
2018 jyly A. Baıtursynov atyndaǵy Qostanaı memlekettik ýnıversıtetin jýrnalıstıka mamandyǵy boıynsha támamdaǵan. Ár jyldary oblystyq Qostanai, respýblıkalyq Astana TV, «Jetinshi arna» telearnalaryndaǵy baǵdarlama jáne jańalyqtar bóliminde qyzmet etti. «QR Prezıdenti teleradıokesheninde» 2022 jyldyń mamyrynan bastap eńbek etedi. 2023 jyldan beri Kazinform agenttiginiń Ózbekstandaǵy menshikti tilshisi.