Qyrǵyzstanda biliktiligi joq psıhologterdi jarnamalaýǵa tyıym salyndy

<p>BІShKEK. KAZINFORM &ndash; Qyrǵyz Respýblıkasy Jogorký Keneshiniń Áleýmettik saıasat komıteti ekinshi jáne úshinshi oqylymda Qyrǵyz Respýblıkasynyń &laquo;Jarnama týraly&raquo; Zańyna biliktiligi joq psıhologtardyń qyzmet kórsetýi úshin jarnama taratýǵa tyıym salýdy kózdeıtin túzetýlerdi qabyldady.</p>

Atap ótilgendeı, búginde tıisti kásibı daıarlyǵy joq kýrstar, trenıngter jáne konsýltatsııalar túrinde psıhologııalyq qyzmet kórsetetin adamdar sanynyń kóbeıý úrdisi baıqalyp otyr. Saldarynan psıhologııalyq qyzmet naryǵy kóptegen bilikti emes mamandarǵa toly. 

Qujat bastamashylarynyń málimetinshe, psıhologııalyq qyzmet kórsetetin adamdar ózderin áleýmettik jelilerde jıi jarnamalaıdy, paıdalanýshylar olardy sol jerden taýyp, mamandyǵy boıynsha joǵary bilim týraly qujat suramaıdy. Osyǵan baılanysty zań jobasynda kámeletke tolmaǵandar men eresekterdi qorǵaý maqsatynda shekteýler engizý usynylyp otyr. 

Sonymen qatar, túzetýler oıyndar men ózara bás tigý, olardyń uıymdastyrýshylary, qatysýshylary jáne deldaldary, sonyń ishinde býkmekerlik keńseler men bás tigý sııaqty oıyn mekemeleriniń táýekeline negizdelgen jarnamaǵa ruqsat beredi. Jarnama tek osyndaı oıyndar men ózara bás tigý ótkiziletin ǵımarattar, qurylystarda ǵana ornalastyrylatyny atap ótilgen. Biraq olardy tikeleı efırde nemese sporttyq jarystyń jazbasynda kórsetýge tyıym salynady. 

Eske sala ketsek, Qyrǵyzstanda ústimizdegi jyldyń shilde aıynan bastap sıqyrshylar men kóripkelderdi jarnamalaýǵa zańdy túrde tyıym salynǵan.

Sondaı-aq Qyrǵyz Respýblıkasynyń Qarjy naryǵyn retteý jáne qadaǵalaý memlekettik qyzmeti iri býkmekerlik keńseni jarnamalaǵany úshin aıyppuldar ázirlep jatqany habarlandy.