Qyrǵyzstanda bıik taýdaǵy kól tasyp, 160 adam evakýatsııalandy

<p>ASTANA. KAZINFORM &mdash; Qyrǵyzstandaǵy Ystyqkól oblysynda jaýyn-shashyn saldarynan bıik taýdaǵy Zyndan kóli tasydy.</p>

TJM málimeti boıynsha, Ystyqkól oblysy Ton aýdany Týýra-Sýý aýylyndaǵy Zyndan kóliniń tasýynan Ton ózeninde sý deńgeıi kóterildi.

Halyqtyń qaýipsizdigin qamtamasyz etý maqsatynda jergilikti bılik organdary Týýra-Sýý aýylynan 90 adamdy jáne balyq zaýyty janyndaǵy 70 turǵyndy evakýatsııalaýdy uıǵarǵan. Olar jaqyn mańdaǵy eldi mekenderge – Eshperov pen Aqsaıǵa qonystanǵan.

Oqıǵa ornynda TJM qutqarýshylary jumys istep jatyr, olar Týýra-Sýý aýylyndaǵy úılerdi sý basýdyń aldyn alyp jatyr. Arnaıy tehnıkanyń kómegimen sý aǵynyn burý jumystary júrgizilip jatyr.

Aıta keteıik, Ystyqkóldegi qatty nóser sel aǵyndaryna ákep soqtyrdy, nátıjesinde birneshe aýyl men pansıonat sý astynda qaldy, keıbir joldarda kólik qozǵalysy shekteldi.