Qyrǵyzstanda aýyr syrqatqa shaldyqqandar zeınetaqy jınaǵyn alyp, emge jumsaýyna bolady

<p>Aýyr syrqatqa shaldyqqan qyrǵyzstandyqtar zeınetaqy jınaǵyn merziminen buryn ala alady. Bul týraly eldiń Áleýmettik qory málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi <a href="https://24.kg/obschestvo/280647_pri_kakih_zabolevaniyah_mojno_dosrochno_zabrat_pensionnyie_nakopleniya/" target="_blank" rel="noopener">24.kg</a> resýrsyna silteme jasap.&nbsp;</p>

Bul múmkindikti mynadaı dıagnozy bar adamdar paıdalana alady:

Іsik túıini metastazalarynyń halyqaralyq jiktelýine sáıkes II, III, IV satydaǵy isiktiń barlyq qaterli túrleri, 2-shi klınıkalyq top.

qan aýrýlary: leıkoz (barlyq túrleri), aplastıkalyq anemııa, gemofılııa.

qan aınalymy júıesiniń aýrýlary: júre paıda bolǵan nemese týabitken júrek aqaýlary, júrek yrǵaǵynyń buzylýy, júrektiń sozylmaly ıshemııalyq aýrýy: onyń ishinde sozylmaly anevrızmasy bar koronarlyq angıoplastıka jáne koronarlyq shýnttaý hırýrgııasy, júrek jetkiliksizdigi, hırýrgııalyq aralasýdy qajet etetin kúre tamyrlardyń zaqymdanýy men arterııalyq aýrýlar, endarterıtti oblıteratsııalaıtyn kúrdeli formalar.

Aıta keteıik, mindetti qarjylandyrý elementi Qyrǵyzstannyń zeınetaqy júıesine 2010 jyly engizilgen.

Zeınetaqynyń jınaqtalatyn bóligi saqtandyrylǵan adamnyń Memlekettik jınaqtaýshy zeınetaqy qoryna (BJZQ) jumys berýshi eseptegen tabysynyń 2 paıyzy mólsherinde tóleıtin mindetti saqtandyrý jarnalary esebinen tólenedi.