Qyrǵyzstanda alǵash ret búırek almastyrý operatsııasy jasaldy

<p>ASTANA. KAZINFORM - Búgin Bishkekte Ana men bala ulttyq ortalyǵynyń transplantologııa bólimshesi 22 jastaǵy naýqasqa alǵash ret tegin búırek almastyrý operatsııasyn jasady. Bul týraly Qyrǵyzstan Respýblıkasy Densaýlyq saqtaý mınıstrligi habarlady.&nbsp;</p>

Otany quramynda úsh hırýrg, úsh anestezıolog jáne eki medbıkesi bar medıtsınalyq brıgada jasaǵan. 

Birinshi kezeńde donordyń búıregin alý úshin eki saǵattyq ota jasalyp, odan keıin búırek retsıpıentke aýystyryldy. Naýqastyń qazirgi jaǵdaıy turaqty dep baǵalandy. 

Aıta keteıik, Qyrǵyzstanda 2024 jyly bıýdjet qarajaty esebinen búırek aýystyrý boıynsha 50 ota jasaý josparlanǵan.