Qyrǵyzstanda alapat selden bes adam qaza tapty

<p>ASTANA.KAZINFORM &mdash; Osh oblysynyń Nookat aýdanynda sel saldarynan 5 adam qaza taýyp, taǵy ekeýi iz-túzsiz joǵaldy, dep jazady <a href="https://kabar.kg/news/pri-skhode-selei-v-nookatskom-raione-pogibli-5-chelovek/" target="_blank" rel="noopener">Kabar</a> agenttigi.</p>

28 maýsym kúni saǵat 16:10–da nóser jańbyrdyń saldarynan Qulatov aımaǵynyń Ábshir-Ata aýylyndaǵy Sharan-Saı kanaly arqyly sel júrdi. Tasqyn sý 7 adamdy alyp ketken. Qazirgi ýaqytta 5 adamnyń máıiti tabyldy, eki adamdy izdeý jumystary jalǵasyp jatyr.

Sondaı-aq 2 kópir men 10 elektr baǵanyn sý shaıyp, 30 turǵyn úı men aýlany, balabaqshany sý basqan.

Oqıǵa ornynda prezıdenttiń Osh oblysyndaǵy ókiletti ókiliniń birinshi orynbasary men Qyrǵyz Respýblıkasy Tótenshe jaǵdaılar mınıstrligi Osh oblystyq departamenti basshysynyń orynbasary men júzge jýyq qutqarýshy jumys istep jatyr.

Tótenshe jaǵdaılar mınıstri Boobek Ájikeevtiń buıryǵymen oqıǵa ornyna Tótenshe jaǵdaılar mınıstriniń orynbasary Edelbek Qulmatov bastaǵan qosymsha 100 qutqarýshy jóneltildi.

Osh oblysynyń Nookat aýdanynda «tótenshe jaǵdaı» rejımi engizildi.