Qyrǵyzstanda 2025 jyldan bastap tańbalanbaǵan janarmaı aınalymyna tyıym salynady

<p>ASTANA.KAZINFORM - Elde 2025 jyldyń 1 qańtarynan bastap tańbalanbaǵan benzın men dızel otynyn saqtaýǵa, satýǵa jáne tasymaldaýǵa tyıym salynady.</p>

Memlekettik salyq qyzmetiniń málimetinshe, munaı ónimderiniń aınalymymen aınalysatyn sýbektiler 2024 jyldyń 31 jeltoqsanyna deıin osy otyn túrleriniń qaldyqtaryn tańbalaýy kerek. Belgileý júıesin engizýdiń arqasynda qarasha aıynda janar-jaǵarmaı materıaldaryna aktsızdik salyq túsimderi ótken jyldyń sáıkes kezeńimen salystyrǵanda 59 paıyzǵa ósip, 349,5 mıllıon somǵa jetkeni atalyp ótti.

Buǵan deıin Qyrǵyzstanda 2024 jyldyń 1 qazanynan bastap ımporttalatyn jáne óndiriletin benzın men dızel otynyn molekýlıarlyq markerler arqyly mindetti tańbalaý engizilgeni habarlanǵan bolatyn.

Qazaqstanda temeki ónimderi, aıaq kıim ónimderi, shilde aıynan bastap barlyq zattar men zergerlik buıymdardy tańbalaý mindetteldi.

2024 jyldyń aqpan aıynan bastap motor maıyn tańbalaý jáne qadaǵalaý boıynsha pılottyq joba engizildi, onyń nátıjelerin 2025 jyldyń aqpanynda shyǵarý josparlanǵan.