Qyrǵyzstanda 200-den astam memqyzmetker jumystan bosatyldy

<p>QR ulttyq qaýipsizdik memlekettik komıteti ókili Kamchybek Tashıev Kemındegi UQMK basqarmasynyń jańa ǵımaratynyń ashylýynda sóz sóılep, 202 sheneýnik uıymdasqan qylmystyq top pen jemqorlyqqa qatysy bolǵany úshin jumystan shyǵarylǵanyn málim etti, dep habarlaıdy <a href="Kazinform" target="_blank" rel="noopener">Kazinform </a>agenttiginiń menshikti tilshisi.</p>

Arnaıy qyzmet basshysynyń sózinshe, qazirgi ýaqytta shekara qyzmeti tóraǵasynyń burynǵy orynbasary Raımbek Matraımovpen baılanysy bar 92 memlekettik qyzmetker jáne kózi joıylǵan qylmys áleminiń serkesi Kamchy Kólbaevpen baılanysy bar 60 qyzmetker, sondaı-aq shekara organynyń 50 jumysshysy qyzmetinen bosatyldy.

"Uıymdasqan qylmystyq top músheleri depýtat bolyp, aýyldyq, aýdandyq ákimshilik, memlekettik organ men mınıstrlikte jumys isteı almaıdy. Bizdiń mindet - olardy jaýapqa tartý. Eger Raımbek Matraımov Qyrǵyzstanda turǵysy kelse, shaǵyn “Daewoo Matiz” kóligimen júrýi kerek. Onyń qylmystyq jolmen tapqan baılyǵy memleket damýyna kedergi keltirmeýi tıis jáne eldiń ishki jumysyna aralaspaýy qajet. Buryn kóptegen saılaýda, memleket isterinde sheneýnikter aqsha úshin olarǵa qyzmet etkenin, onyń ishinde UQMK ókilderi de bolǵanyn bilesizder. Aqshaǵa satylatyn qyzmetkerler bolǵan. Endi elimizde Kólbaev, Matraımov jáne basqa da mafııa bolmaıtynyn taǵy atap ótkim keledi. Memleketimizde zań men turaqtylyq bolýy qajet. Elde adal jolmen aqsha tabatyn qarapaıym adamdar, adal kásipkerler men elge adal qyzmet etip júrgender jaqsy ómir súrýi tıis, - dedi QR UQMK tóraǵasy.