Qyrǵyzstan uıymdasqan qylmystan azat etildi – Qaýipsizdik komıteti

<p>ASTANA. KAZINFORM &ndash; Qyrǵyzstan Ulttyq qaýipsizdik memlekettik komıtetiniń tóraǵasy Kamchybek Tashıev memleket múddesi úshin qylmystyq álem serkesi Kamchy Kólbaevty óltirý týraly sheshim qabyldaýǵa májbúr bolǵanyn jáne Qyrǵyzstannyń uıymdasqan qylmystan azat elge aınalǵanyn aıtty.</p>

– Elde uıymdasqan qylmystyń kúsheıgeni sonsha, «zańdaǵy urylar», «qamqorshylar», «qadaǵalaýshylar» tutas el boıynsha bılik ornatyp aldy. Olar da memlekettegideı júıe qurǵan bolatyn, «prezıdenti» – «zańdaǵy ury», al qalalarda, oblystarda, aýdandarda «qamqorshylar» men «qadaǵalaýshylar» boldy, olar kásipkerler men basqa azamattardan aqsha jınap otyrdy. Olardyń qurylymy óte qýatty boldy, – dedi ol Bishkektegi joǵary oqý oryndarynyń basshylarymen kezdesýinde.

Kamchybek Tashıev óz sózinde uıymdasqan qylmysty joıý úshin májbúrli sharalardy qabyldaǵanyn aıtty.

– Sizder kóz jetkizý úshin shyndyqty ashyq aıtaıyn. Maǵan «zańdaǵy urynyń» kózin joıý týraly sheshim qabyldaýǵa týra keldi. Memleket úshin. Sondyqtan osy sheshimdi qabyldadym. Biz onyń kózin joıdyq, keıin onyń seriktesteri men basqa da uıymdasqan qylmys múshelerin joıdyq. Búginde elimiz bul bylyqtan bosady. Memlekette uıymdasqan qylmys joq. Qyrǵyzstan – Ortalyq Azııada ǵana emes, tipti postkeńestik elder arasynda uıymdasqan qylmysy joq jalǵyz memleket. Qazir kásipkerler burynǵydaı eshkimge aqsha tólemeıdi, – dep atap ótti arnaıy qyzmet basshysy.

UQMK tóraǵasy uıymdasqan qylmystyq toptardyń memleket kirisinen mıllıardtaǵan dollar ıemdengenin jetkizdi.

– Uıymdasqan qylmystyq toptardyń qolynda orasan zor qarajat boldy. Biz olardan dollarmen eseptegende mıllıardtaǵan qarjyny tartyp aldyq. Qazir olardyń eshteńesi qalǵan joq. Bolashaqta elde eshqandaı uıymdasqan qylmys ta, bandıtter de bolmaıdy, – dep sendirdi ol.

Eske sala ketsek, 2023 jyly qazan aıynda Bishkekte arnaıy operatsııa kezinde qylmystyq avtorıtet Qamshy Kólbaev qaza tapty.

Qyrǵyzstannyń 50 keden qyzmetkeri Kamshy Kólbaevpen baılanysy úshin jumystan shyǵaryldy.

Jedel-izdestirý sharasynyń barysynda quny 500 myń AQSh dollary bolatyn asyltuqymdy jylqylar tárkilendi.

Qyrǵyzstannyń eks-premer-mınıstrine Kólbaev qylmystyq toby syılaǵan lıýks brondy kólik tárkilendi.

Kólbaevtyń 720 páteri memleket menshigine ótti.

Sondaı-aq, Kólbaevtyń uıymdasqan qylmystyq toby Qarakólde taý shańǵy bazasyn salýdy josparlaǵan.