Qyrǵyzstan ýran ken oryndaryn ıgerýge jarııalanǵan moratorııdi alyp tastaýy múmkin

<p>ASTANA. KAZINFORM &ndash;Qyrǵyzstan ýran men torıı ken oryndaryn barlaý men ıgerýge salynǵan tyıymdy alyp tastaýdy usyndy. Mınıstrler kabıneti bastamashy bolǵan tıisti zań jobasy el parlamentiniń qaraýyna jiberildi.</p>

Qujatty ázirleýshiler qoldanystaǵy zań halyqtyń densaýlyǵyn, jer, sý nysandaryn, ósimdikter men janýarlar dúnıesin qorǵaýǵa, azamattardyń ómir súrýine, eńbek etýine jáne demalýyna qolaıly qorshaǵan orta qalyptastyrýǵa, sondaı-aq Qyrǵyz Respýblıkasynda radıatsııalyq jáne ekologııalyq qaýipsizdikti ornatýǵa baǵyttalǵanymen, ol jalpy eldiń ekonomıkasy men damýyna keri áser etip, halyqaralyq jáne ulttyq daǵdarysty kúsheıtkenin aıtady.

Zańdy ázirleý jáne qabyldaý kezinde COVID-19 pandemııasynyń ekonomıkalyq saldarynyń bastalýyn, sondaı-aq eldiń eń iri saýda seriktesteriniń biri Reseı Federatsııasyna qarsy aýqymdy qarjylyq sanktsııalardyń engizilýin boljaý múmkin bolmady.

2020-2023 jyldardaǵy oqıǵalardyń aýyr ekonomıkalyq saldaryn eskere otyryp, Qyrǵyzstan ekonomıkasyna basqa tabys kózderi óte qajet. Ýran men torııdi óndirý jáne eksporttaý Qyrǵyzstan ekonomıkasynyń mańyzdy quramdas bólikterine aınalý múmkindigine ıe.