Qyrǵyzstanda «Islam memleketi» halyqaralyq lańkestik uıymynyń músheleri ustaldy

<p>BІShKEK. KAZINFORM &ndash; Músheleri &laquo;Islam memleketi&raquo; halyqaralyq lańkestik uıymynyń (Qazaqstanda tyıym salynǵan - <em>red.</em>) ıdeologııasyn belsendi túrde nasıhattaıtyn astyrtyn radıkaldy top is-áreketiniń joly kesildi, dep habarlaıdy Qyrǵyz Respýblıkasy Ulttyq qaýipsizdik memlekettik komıteti. Bul týraly <a href="https://kabar.kg/news/gknb-zaderzhal-chlenov-mto-islamskoe-gosudarstvo/" target="_blank" rel="noopener">Kabar</a> aqparat agenttigi jazdy.&nbsp;</p>

Komıtettiń málimetinshe, Bishkek pen eldiń basqa aımaqtarynda barlyǵy 15 adam ustalǵan. Olardyń turǵylyqty jerlerinde tintý júrgizilip, kóp mólsherde dinı ádebıet tárkilenip, tıisti saraptamalar taǵaıyndaldy.

Top jetekshileriniń birin áleýmettik jelide «IM» halyqaralyq lańkestik uıymynyń (Qazaqstanda tyıym salynǵan - red.) Aýǵanstannan kelgen múshesi qashyqtan jumysqa aldy. Óz sonyń nusqaýlaryn oryndap, basqa jaqtastaryn tartýǵa kirisken.

Aldyn ala málimet boıynsha, taratylǵan foto jáne beınematerıaldarda «terrorlyq áreketterge jarııa shaqyrý», «ulttyq, násildik, etnıkalyq, dinı jáne óńiraralyq arazdyqty (alaýyzdyqty) qozdyrý» jáne «halıfat» ornatý arqyly konstıtýtsııalyq qurylysty qulatý» belgileri bar.

Sonymen qatar, atys qarýyn jáne sýyq qarýdy qoldaný, sondaı-aq qoldan jasalǵan jarylǵysh qurylǵylardy jasaý boıynsha oqý-ádistemelik beınerolıkter taratyldy.

Osylaısha, ustalǵan 4 adam Bishkektegi №1 tergeý abaqtysyna qamaldy, osy toptyń basqa da músheleri men sybaılastaryn anyqtaý boıynsha keshendi tergeý-jedel sharalary jalǵasýda.