Qyrǵyzstan turǵyny sibir jarasyn juqtyrdy degen kúdikpen aýrýhanaǵa jatqyzyldy

<p>ASTANA. KAZINFORM &ndash; Qyrǵyzstanda 15 mamyrda Kemın aýdany Karol-Dobo aýylynyń turǵyny sibir jarasyn juqtyrdy degen kúdikpen aýrýhanaǵa jatqyzyldy. Bul týraly atalǵan eldiń Sý resýrstary, aýyl sharýashylyǵy jáne qaıta óńdeý ónerkásibi mınıstrligi Respýblıkalyq karantındik jáne asa qaýipti ınfektsııalar ortalyǵyna silteme jasap habarlaıdy.</p>

Vedomstvonyń málimetinshe, veterınarııalyq qyzmet jáne Respýblıkalyq karantındik jáne asa qaýipti ınfektsııalar ortalyǵynyń mamandary birlesip atalǵan aýylda epızootııalyq jáne epıdemıologııalyq tergeý júrgizgen. Soıylǵan janýardan (et, topyraq) alynǵan synamalar zertteýge jiberilgen.

Soıylǵan janýarǵa sibir jarasyna qarsy vaktsına egilgeni málimdeldi. Kemın aýdanynda sibir jarasy boıynsha epızootııaǵa qarsy is-sharalar jospary ýaqtyly 162% oryndaldy. Kemın aýdanynyń Karol-Dobo aýmaǵynda buǵan deıin sibir jarasynyń oshaǵy tirkelmegen.

Búginde jergilikti sibir jarasyna qarsy veterınarııalyq-sanıtarııalyq is-sharalar júrgizilýde. Vaktsına jáne dezınfektsııalaý quraldarymen 100% qamtylǵan.

Veterınarııalyq qyzmet rezervinde sibir jarasyna qarsy josparly ekpe salý úshin 846 489 doza vaktsına bar.

Buǵan deıin habarlanǵandaı, 9 mamyrda Qyrǵyzstanda veterınarlyq tekserýsiz soıylǵan sıyrdyń etin jegennen keıin eldiń bir óńiriniń turǵyny sibir jarasyn juqtyrǵan.