Qyrǵyzstan taýlarynda qazaqstandyq alpınısterdi qar kóshkini basyp qaldy
Alpınıster Han-Táńiri shyńyna kóterilgen kezde Chapaev shyńynan qar kóshkini qulady. Máskeýlik alpınıst oqıǵa ornynda qaıtys boldy. Qazaqstandyq úsh alpınıst aman qaldy.
Barlyǵy eki qar kóshkini boldy. Birinshi kóshkinnen aman qalǵanymen, úsh saǵattan keıin Chapaev shyńynan ekinshi kóshkin qaıtalandy. Adamdar sol kóshkinniń astynda qalyp qoıdy. Alaıda olar jartastaǵy qatparǵa jetip úlgergendikten, qar astynda biraz aýa boldy. Alpınıster ratsııa arqyly ornalasqan jerin aıtyp úlgerdi. Jaqyn jerdegi tórt jolserikten turatyn top 40 mınýttan keıin olardy qutqardy.
Qaıtys bolǵan máskeýlik alpınıst basqalarmen birge jartastaǵy qatparǵa jetip úlgermegen. Tolyǵymen top múshesi Pavel Blajnov bólisti.
«29 shilde – meniń ekinshi týǵan kúnim. Han Táńiri ekspedıtsııasy 2024. 5050m bıiktikte, saǵat 08:15-te Han Táńiriniń ońtústik jaǵyndaǵy «bótelkege» kire beriste, tórt adamnan turatyn top qar kóshkini astynda qaldy: Borıs Dedeshko (Almaty), Pavel Blajnov, Marıanna Petrova (Almaty) , Chapaev shyńynyń baýraıynan túsken Alekseı Smırnov (Máskeý). Bizdi jartas qatpary qutqaryp qaldy. Aıaǵymyz ben keýdemizdi sýly qar basyp qaldy. Basymyz ben qolymyz qozǵalysta bolǵanymen, aıaǵymyzdy qozǵaý múmkin emes. Shyǵýǵa tyrysqanymyzben, biraq nátıje bolmady. Ylǵal qar, muzǵa aınalyp, saýsaqtarymyz úsip barady. Tolyq qar kóshkininiń qursaýynda qaldyq. Birte-birte tunshyǵyp, tońa bastadyq. Ottegini únemdeý úshin jıi dem alýymyz kerek ekenin túsindik, biraq bul da qıynǵa soǵa bastady. Qoldarymyz ben betimiz de qaraıa bastady. Ómirdiń túrli sátteri esimizge tústi. Topta asa úreı bolǵan joq, barlyǵymyz jaqynda bári bitetinin túsindik», - dep jazdy Pavel Blajnov Instagram paraqshasynda bolǵan oqıǵa týraly.
Máskeýlik alpınısti qazý jumystary 2 tamyz kúni bastalyp, Máskeýge jetkiziletindigi habarlandy.