Qyrǵyzstan «Talıbandy» tyıym salynǵan uıymdar tiziminen alyp tastady

<p>ASTANA. KAZINFORM &ndash; Qyrǵyzstan &laquo;Talıban&raquo; qozǵalysyn tyıym salynǵan uıymdar tiziminen alyp tastady. Bul týraly Qyrǵyzstan Syrtqy ister mınıstrligi habar taratty.</p>

«Eldiń quzyrly memlekettik organdary muqııat qarap, jan-jaqty baǵalaý júrgizgennen keıin «Talıban» qozǵalysyn Qyrǵyzstanda tyıym salynǵan uıymdar tiziminen shyǵarý týraly sheshim qabyldandy», - dep habarlady eldiń Syrtqy ister mınıstrligi.

Atap ótkendeı, bul sheshim óńirlik turaqtylyqty nyǵaıtýǵa jáne dıalogty qoldaýǵa baǵyttalǵan.

«Qyrǵyzstan Aýǵanstanda jáne tutastaı alǵanda aımaqta turaqty jáne beıbit ortany qamtamasyz etýge baǵyttalǵan halyqaralyq qaýymdastyqtyń kúsh-jigerin qoldaýǵa daıyn», - delingen vedomstvo habarlamasynda.

Osyǵan deıin Qazaqstannyń «Talıbandy» elde tyıym salynǵan uıymdar tiziminen shyǵarǵany týraly jazdyq.