Qyrǵyzstan Sýdanda atyp túsirilgen júk ushaǵyna qatysty jaǵdaıǵa túsinik berdi

<p>ASTANA. KAZINFORM &ndash; Sýdanda atyp túsirilgen júk ushaǵynyń Qyrǵyzstanǵa qatysy joq. Bul týraly Qyrǵyzstannyń &laquo;Manas&raquo; halyqaralyq áýejaıynyń baspasóz qyzmeti habarlady.</p>

Baspasóz qyzmetiniń aqparatyna sáıkes, Sýdandaǵy ushaq apaty kezinde tabylǵan «Manas» halyqaralyq áýejaıy» AAQ qujaty (tarhetka) «Manas» áýejaıynyń qyzmetkeri bolmaǵan «Airline Transport Incorporation FZC» kompanııasynyń qyzmetkeri, Reseı Federatsııasynyń azamaty Vıktor Granovqa tıesili. Atalǵan tulǵa 2024 jyldyń mamyr aıynda «Manas» áýejaıynan Osh halyqaralyq áýejaıyna AN-12 ushaǵyn ushyryp jetkizý úshin shaqyrylǵan. Alaıda onyń jumysbastylyǵyna baılanysty ushyrý júrgizilgen joq.

«MHÁ» AAQ mundaı tarhetkalardy óz qyzmetkerlerine ǵana emes, sondaı-aq áýejaımen jasasqan kelisim negizinde yntymaqtasatyn barlyq kompanııalarǵa beretini atap ótildi. Bul adamdardyń ózderiniń jumystaǵy mindetterin oryndaý úshin áýejaı termınaly men perronǵa kedergisiz ótýi úshin jasalǵan.

Foto: sudanwarmonitor.com

«Borttyq nómiri EX 76 011 qulaǵan ushaq «Rım staıl» kompanııasyna tıesili boldy. 2024 jyly bul ushaq mysyrlyq «New Way Cargo Airlines ST-JLN» kompanııasyna satyldy jáne onyń Oshta tirkelgen «Airline Transport Incorporation FZC» kompanııasyna qatysy joq», - dep habarlady Bishkek áýejaıynan.

Buǵan deıin BAQ-ta Sýdanda Qyrǵyzstanmen baılanysy bar júk ushaǵynyń apatqa ushyraǵany týraly aqparat tarady.