Qyrǵyzstan prezıdenti jumys saparymen Qazaqstanǵa keledi

<p>ASTANA. KAZINFORM &mdash; Qyrǵyz Respýblıkasynyń Prezıdenti Sadyr Japarov QR Prezıdenti Qasym-Jomart Toqaevtyń shaqyrýymen 8-10 tamyzda Ortalyq Azııa memleketteri basshylarynyń VI konsýltatıvtik kezdesýine jáne &laquo;Ortalyq Azııa+Japonııa&raquo; Dıalogy memleketteri basshylarynyń sammıtine qatysý úshin Astanaǵa keledi.</p>

Qyrǵyz Respýblıkasy Prezıdenti ákimshiligi Syrtqy saıasat bóliminiń meńgerýshisi Muratbek Ázimbaqıevtiń aıtýynsha, sapar aıasynda Qyrǵyz kóshbasshysy Japonııa Premer-mınıstri Fýmıo Kısıdamen kelissózder júrgizedi. Kezdesý barysynda ekijaqty yntymaqtastyqtyń ózekti máseleleri talqylanady.

Astanada ótetin aldaǵy Ortalyq Azııa memleketteri basshylarynyń altynshy Konsýltatıvtik kezdesýi men «Ortalyq Azııa+Japonııa» dıalogy memleketter basshylarynyń Sammıti kópjaqty yntymaqtastyqtyń ózekti máselelerin, sondaı — aq óńirlik ózara is-qımyl perspektıvalaryn talqylaýǵa baǵyttalady, — dep atap ótti Muratbek Ázimbaqıev.

Sondaı-aq, sammıt aıasynda Sadyr Japarovtyń «Ortalyq Azııa+Japonııa» bıznes-forýmyna qatysýy josparlanǵan.