Qyrǵyzstan óz ónimderin Qazaqstanǵa eksporttaýǵa tyıym salynǵanyna alańdaýly

<p>ASTANA. KAZINFORM - Qyrǵyzstanda lıtsenzııalanǵan ónim aınalymyna shekteý engizý jónindegi Qazaqstan Úkimeti qaýlysynyń jobasyna Qyrǵyzstannyń Ekonomıka jáne kommertsııa mınıstrligi jaýap berdi jáne ony tosqaýyl retinde qarastyrady. Bul týraly Qyrǵyzstan Qyrǵyz Respýblıkasynyń&nbsp; Ekonomıka jáne kommertsııa mınıstrligi habarlady.</p>

Vedomstvo 2024 jylǵy 1 shildeden bastap Qazaqstanda Qyrǵyzstanda lıtsenzııalanǵan ónimdi aınalymǵa shyǵarýǵa tyıym salýdy engizýge alańdaýshylyq bildirdi.

«Qazaqstan Respýblıkasynyń mundaı qaýly qabyldaýy — Eýrazııalyq ekonomıkalyq odaqtyń ishki naryǵy jumysyna kedergi keltirýi múmkin jáne EAEO-ǵa múshe memleketter kásipkerleriniń Qazaqstan Respýblıkasynyń ishki naryǵyna qoljetimdiligin shekteıtin kedergi retinde qarastyrylady. Eýrazııalyq ekonomıkalyq odaq sheńberinde sáıkestikti rastaý jónindegi qujattardy moıyndamaý úshin pretsedent týdyrýy múmkin», - delingen habarlamada.

2024 jylǵy 7 naýryzda Qyrǵyz Respýblıkasynyń Ekonomıka jáne saýda mınıstrligi men Qazaqstan Respýblıkasynyń Saýda jáne ıntegratsııa mınıstrligi arasynda josyqsyz akkredıtteý sýbektilerimen kúresý boıynsha birlesken sharalar jospary ázirlenip, oǵan qol qoıyldy.

2024 jylǵy 20 naýryzda kúshine enetin Qyrǵyz Respýblıkasy Mınıstrler Kabınetiniń 2024 jylǵy 28 aqpanda tıisti qaýlysy qabyldandy. Oǵan sáıkes eksporttyq taýarlardyń tehnıkalyq reglamentter talaptaryna sáıkestigi týraly deklaratsııalardy tirkeý jónindegi ýákiletti organ — Eýrazııalyq ekonomıkalyq odaq «Qyrǵyzstandart» biryńǵaı sertıfıkattaý organy bolady.

Sertıfıkattaý organdaryna memlekettik qadaǵalaý júrgizilip, alty organǵa 1 mıllıon 560 myń som kóleminde aıyppul salyndy. Segiz organnyń akkredıtteý attestattarynyń qoldanylýy toqtatyldy jáne buzýshylyqtarmen berilgen sáıkestikti rastaý qujattarynyń kúshi joıyldy.

Akkredıtteý jónindegi ulttyq organnyń akkredıttelgen sáıkestikti rastaý jónindegi organdardy EAEO sáıkestikti rastaý jónindegi organdardyń biryńǵaı tiziliminiń ulttyq bóligine engizý/shyǵarý týraly sheshimder qabyldaý tártibi men negizderi týraly ereje bekitildi.

Qyrǵyz Respýblıkasynyń zerthanalary shyǵarǵan synaq hattamalarynyń tizilimi quryldy.

Qazaqstan 2024 jyldyń 1 shildesinen bastap Qyrǵyzstanda lıtsenzııasy bar ónimderdi aınalymǵa shyǵarýǵa tyıym salatyny týraly buǵan deıin habarlanǵan bolatyn.