Qyrǵyzstan mobıldi qosymshalar arqyly aqsha aýdarǵany úshin alynatyn tólemdi alyp tastady

<p>ASTANA. KAZINFORM &ndash; Qyrǵyzstanda mobıldi qosymshalar men ınternet-bankıng arqyly aqsha aýdarymdary úshin komıssııa alýǵa tyıym kúshine endi, dep habarlaıdy Kabar aqparat agenttigi.</p>

Qyrǵyz Respýblıkasynyń Ulttyq bankiniń habarlaýynsha, 2024 jylǵy 25 qarashada Ulttyq banktiń kommertsııalyq bankter men tólem uıymdaryna 2025 jyldyń 31 jeltoqsanyna deıin mobıldi qosymshalar jáne ınternet-bankıng arqyly aqsha aýdarymdary úshin jeke klıentterden komıssııa alýǵa tyıym salatyn qaýlysy resmı túrde kúshine endi. Tyıym Qyrǵyzstan aýmaǵynda ulttyq valıýtadaǵy aýdarymdarǵa qatysty.

Atap ótilgendeı, bul sharalar qolma-qol aqshasyz tólemderdi ulǵaıtý, tsıfrlyq bank qyzmetteriniń qoljetimdiligin arttyrý, tsıfrlyq tólem qyzmetterin damytý jáne mobıldi qosymshalardy qoldanýdy tanymal etý maqsatynda qolǵa alynǵan.

Aqparatty Kazinform agenttigine arnaıy «Kabar» seriktes agenttigi usyndy.

Osyǵan deıin Qyrǵyzstannyń kómir eksportyna tyıym salǵanyn jazdyq.