Qyrǵyzstan mılıtsııasy úsh adamdy óltirdi degen kúdikke ilingen er adamdy atyp tastady

<p>ASTANA. KAZINFORM &ndash; Qyrǵyzstanda mılıtsııa úsh adamdy óltirdi degen kúdikke alynǵan er adamdy ustaý kezinde atyp óltirdi, dep habarlaıdy Qyrǵyzstannyń <a href="https://kabar.kg/news/troinoe-ubiistvo-v-talase-podozrevaemyi-likvidirovan-pri-zaderzhanii/" target="_blank" rel="noopener">Kabar</a> aqparat agenttigi.</p>

Mılıtsııanyń málimetinshe, 2024 jyly 24 mamyrda túnde Aıtmatov aýdanyndaǵy aýyldardyń birindegi úıden asa qatygezdikpen óltirilgen úsh azamattyń denesi tabyldy.

Oqıǵa ornyna jetken jedel-tergeý toby qaza bolǵandardyń 26 jastaǵy áıel men onyń eki jáne tórt jastaǵy balalary ekenin anyqtady.

Saraptama barysynda úsh adamdy óltirý faktisi anyqtaldy: jábirlenýshilerdiń denelerinde kóptegen jaraqattar boldy.

Polıtsııa qyzmetkerleri kisi óltirýge kúdiktiniń kim ekenin anyqtady, ol Talas oblysy Aıtmatov aýdany, Aq-Bashat aýylynyń turǵyny, buryn kisi óltirýge oqtalǵany úshin sottalǵan 1976 jyly týǵan azamat K.N. atty bolyp shyqty.

Jedel-izdestirý sharalary barysynda asa aýyr kisi óltirý boıynsha kúdiktiniń júrgen jeri anyqtaldy, ol taýǵa baryp jasyrynbaq bolǵan.

Mılıtsııa kúdiktini ustaý kezinde atyp tastady.