Qyrǵyzstan men Tájikstan UQMK basshylary shekarany mejeleý máselelerin talqylady

<p>ASTANA. KAZINFORM — Tájikstan Respýblıkasy Soǵdy oblysynyń Býston qalasynda Qyrǵyz-Tájikstan memlekettik shekarasyn mejeleý jáne ornatý máseleleri boıynsha Qyrǵyzstan men Tájikstan úkimettik delegatsııalarynyń teń tóraǵalary Qamchybek Tashıev pen Saımýmın ıAtımovtyń kezdesýi ótti, dep habarlaıdy Kazinform menshikti tilshisi. </p>

Kezdesý barysynda qyrǵyz-tájik memlekettik shekarasyn delımıtatsııalaý máseleleri talqylanyp, úkimettik delegatsııalardyń jumys toptaryna eki memlekettiń shekara syzyǵynyń baǵytyn odan ári aıqyndaý boıynsha jumysty jalǵastyrý jóninde naqty tapsyrmalar berildi.

Eske sala ketsek, Qyrǵyzstan men Tájikstannyń 970 shaqyrymǵa jýyq ortaq shekarasy bar. Sońǵy birneshe aıda taraptar bir-biriniń aýmaǵynda kezegimen birlesken memlekettik shekarany kelisý boıynsha belsendi kelissózder júrgizip jatyr.

Qyrǵyz Respýblıkasynyń Syrtqy ister mınıstrliginiń málimetinshe, taraptar eki memleket arasyndaǵy shekara syzyǵynyń 90 paıyzdan astamyn kelise aldy.

Úkimet delegatsııalarynyń teń tóraǵalarynyń sońǵy kezdesýi qazan aıynyń basynda Tájikstan Respýblıkasynyń Býston qalasynda ótti.