Qyrǵyzstan men Tájikstan shekarany delımıtatsııalaý jáne demarkatsııalaý jumystaryn jalǵastyrýda

<p>ASTANA. KAZINFORM &ndash; Tájikstan Respýblıkasy Soǵdy oblysynyń Býston qalasynda Qyrǵyz-Tájikstan memlekettik shekarasyn mejeleý jáne ornatý máseleleri boıynsha Qyrǵyzstan men Tájikstan úkimettik delegatsııalarynyń teń tóraǵalary Qamchybek Tashıev pen Saımýmın ıAtımovtyń kezdesýi ótti,</p>

Mınıstrler kabınetiniń habarlaýynsha, Qyrǵyz Respýblıkasy men Tájikstan Respýblıkasynyń úkimettik delegatsııalarynyń jumys toptaryna qalǵan ýchaskelerde eki memlekettiń shekara syzyǵynyń baǵytyn odan ári aıqyndaý boıynsha jumysty jalǵastyrý jóninde naqty tapsyrmalar berildi. 

Eske sala ketsek, Qyrǵyzstan men Tájikstannyń 970 shaqyrymǵa jýyq ortaq shekarasy bar. Sońǵy birneshe aıda taraptar bir-biriniń aýmaǵynda kezegimen birlesken memlekettik shekarany kelisý boıynsha belsendi kelissózder júrgizip jatyr.

Qyrǵyz Respýblıkasynyń Syrtqy ister mınıstrliginiń málimetinshe, taraptar eki memleket arasyndaǵy shekara syzyǵynyń 90 paıyzdan astamyn kelise aldy.

Topografııalyq toptardyń sońǵy kezdesýi 11-17 qyrkúıek aralyǵynda Qyrǵyz Respýblıkasynyń Batken qalasynda ótti. Taraptar qalǵan ýchaskelerde qyrǵyz-tájik memlekettik shekara syzyǵynyń ótýin sıpattaý boıynsha usynystarmen almasty.