Qyrǵyzstan men Tájikstan shekarany delımıtatsııalaý jáne demarkatsııalaý máselecin talqylady

<p>BІShKEK. KAZINFORM &ndash; Tájikstannyń Býston qalasynda Qyrǵyz Respýblıkasy men Tájikstan Respýblıkasy úkimettik delegatsııalarynyń qyrǵyz-tájik memlekettik shekarasyn mejeleý jáne ornatý boıynsha jumys tobynyń kezekti otyrysy ótti.&nbsp;</p>

Qyrǵyzstan Respýblıkasy úkimeti baspasóz qyzmetiniń habarlaýynsha, bul kezdesý aıasynda taraptar qalǵan ýchaskelerde qyrǵyz-tájik memlekettik shekara syzyǵynyń ótýin sıpattaý boıynsha usynystaryn ortaǵa saldy jáne bul jumysty Qyrǵyz Respýblıkasynyń aýmaǵynda ótetin kelesi kezdesýde jalǵastyrý týraly sheshim qabyldady. Habarlanǵandaı, kezdesý dostyq pen ózara túsinistik jaǵdaıynda ótti. 

Eske sala ketsek, Qyrǵyzstan men Tájikstannyń 970 shaqyrymǵa jýyq ortaq shekarasy bar. Sońǵy birneshe aıda taraptar bir-biriniń aýmaǵynda birlesken memlekettik shekarany kelisý boıynsha belsendi kelissózderdi kezektesip júrgizip jatyr. Byltyr qazan aıynan bastap búginge deıin eki eldiń úkimetteri qyrǵyz-tájik memlekettik shekarasynyń 240 shaqyrymnan astamyn kelisti.