Qyrǵyzstan men Tájikstan ortaq shekaranyń 90 paıyzy boıynsha kelisimge keldi

<p>Batkende Qyrǵyzstan men Tájikstan úkimettik delegatsııalarynyń memlekettik shekarany delımıtatsııalaý jáne shegendeý máselesi boıynsha kezdesýi ótti. Onyń qorytyndysy boıynsha delegatsııa basshylary Qyrǵyzstan MUQK tóraǵasy Qamshybek Tashıev pen Tájikstan respýblıkasy MUQK tóraǵasy Saımýmın ıAtımov málimdeme jasady. <a href="https://kaz.inform.kz/" target="_blank" rel="noopener">Kazinform</a> agenttigi bul týraly <a href="https://24.kg/vlast/282120_kyirgyizstan_itadjikistan_opisali_bolee_90protsentov_linii_gosgranitsyi/" target="_blank" rel="noopener">24.kg</a> basylymyna silteme jasap habarlaıdy.</p>

S.ıAtımovtyń atap ótýinshe, taraptar ekijaqty komıssııa jumysyn júrgizip, ómirlik mańyzdy máselelerdi talqylaǵan.

Eki memleket arasynda ortaq múdde, ortaq maqsat, demek, ortaq ister bar ekenin taǵy bir márte atap ótip, oǵan kóz jetkizdi.

«Logıkalyq qorytyndy - halqymyzdyń múddesi. Bul – memleketterimizdiń qaýipsizdigi men áleýmettik-ekonomıkalyq damýy. Búgingi tańda orasan zor jumys atqaryldy, 120 shaqyrymnan astam jolǵa ilgerilep, osy máselelerdi prıntsıpti túrde kelistik. Tájikstan men Qyrǵyzstan arasyndaǵy memlekettik shekaranyń jalpy uzyndyǵyn alatyn bolsaq, Qamshybek Qydyrshauly ekeýmiz memlekettik shekaranyń 90 paıyzdan astamy syzylǵanyn rastaı alamyz. Biz shynymen de bul máseleni sheshýge jaqyn qaldyq. Komıssııa negizgi máselelerge erekshe jaýapkershilikpen qaraıdy, ol bizdiń memleket basshylarynyń halyqtyń erik-jigerin bildiretin naqty tapsyrmalaryn oryndaıdy. Sátti aıaqtalǵan jumys úshin komıssııaǵa alǵys aıtamyn», — dedi S.ıAtımov.

Óz kezeginde Q.Tashıev áriptesiniń sózin rastap, sondaı-aq úkimetaralyq komıssııa jumysynyń qorytyndysy boıynsha memlekettik shekaranyń 90 paıyzdan astamy boıynsha kelisimge kelgenin málimdedi.

Kelisilgen aýmaqtar jaqyn arada syzylady.

«Bizde jaqyn arada jumysty aıaqtaıtyn birneshe ýchaske qalady. Bul qandaı aımaqtar? Qaıragach, Qýlýndý, Maqsat, Arqa, Arqa-1, Arqa-2, Jańy-Jerden bastalyp, Jııdelikke deıin. Jumys toby bekitýdi tolyǵymen aıaqtady. Sonymen qatar, úsh memlekettiń túıisken jeri Qara-Baký, Lıakkon boıynsha kelistik. Osylaısha qazirgi ýaqytta suraq týyndaǵan daýly ýchaskeler boıynsha jumysty aıaqtadyq. Búkil memlekettik shekara boıyndaǵy jumysty aıaqtaý úshin sanaýly kezdesý qaldy», – dep túıindedi Q.Tashıev.