Qyrǵyzstan men Tájikstan memlekettik shekara máselesin talqylady

<p>Búgin Bishkekte ótip jatqan TMD múshe memleketter basshylary keńesiniń otyrysynda Qyrǵyz Respýblıkasynyń Prezıdenti Sadyr Japarov Tájikstan Respýblıkasynyń Prezıdenti Emomalı Rahmonmen kezdesýde qyrǵyz-tájik memlekettik shekarasyn delımıtatsııalaý jáne demarkatsııalaý máselelerin talqylady, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttiginiń menshikti tilshisi.</p>

Eki el basshysy qyrǵyz-tájik ekijaqty yntymaqtastyǵynyń ózekti máselelerin, keń aýqymdy taqyryptardy, sonyń ishinde qyrǵyz-tájik memlekettik shekarasyn delımıtatsııalaý jáne demarkatsııalaý máselelerin talqylady.

Aımaqtyq jáne halyqaralyq kún tártibi men TMD múshe memleketter basshylary keńesiniń aldaǵy otyrysy týraly pikir almasý boldy. Memleket basshylary eki el men halyqtar arasyndaǵy tatý kórshilikti nyǵaıtý úshin turaqty saıası dıalogty jalǵastyrýdyń mańyzdylyǵyn atap ótip, ekijaqty yntymaqtastyqtyń barlyq baǵyttary boıynsha ashyq ári jan-jaqty áńgimege daıyn ekendikterin bildirdi.

Esterińizge sala keteıik, búgin Bishkektegi «Ala-Arsha» memlekettik rezıdentsııasynda Qyrǵyzstan tarapynyń tóraǵalyǵymen Qazaqstan Prezıdenti Qasym-Jomart Toqaevtyń qatysýymen TMD Memleketter basshylary keńesiniń kezekti otyrysy bastalady.