Qyrǵyzstan men Ózbekstan 2024 jyldan bastap avtokóliktiń 12 úlgisin shyǵarmaq

<p>Qyrǵyzstan men Ózbekstan 2024 jyldan bastap birlesip avkóliktiń 12 úlgisin shyǵara bastaıdy. Bul týraly &laquo;Kabar&raquo; agenttigindegi baspasóz konferentsııasy kezinde Qyrǵyz Respýblıkasy Ekonomıka jáne kommertsııa mınıstri Danııar Amangeldıev málim etti. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://kabar.kg/news/kyrgyzstan-i-uzbekistan-zapustiat-sovmestnoe-proizvodstvo-12-modelei-avto-s-2024-goda/" target="_blank" rel="noopener">Kabar</a>-ǵa silteme jasap habarlaıdy.&nbsp;</p>

«Qazirgi ýaqytta «Altyn-Tulpar» avtojınaqtaý zaýyty paıdalanýǵa berýge daıyndalyp jatyr. Bul – «ÝzAvtoSanoat»-pen birlesken joba. Keler jyly ol jobalyq jumysyn bastaıdy dep oılaımyn», - dedi ol.

Mınıstr jobany Ózbek-Qyrǵyz damý qory qarjylandyratynyn atap ótti.

Qyrǵyzstanda avtokólik jáne kommertsııalyq tehnıka óndirisin uıymdastyrý kelisimine Ózbekstan prezıdenti Shavkat Mırzıeevtiń Qyrǵyzstanǵa sapary kezinde qańtarda qol qoıylǵanyn eske sala keteıik. Jobaǵa sáıkes, ol úsh kezeń boıynsha júzege asady. Alǵashqy úsh jylda 10 myń avto jáne kommertsııalyq tehnıka jasalady. Jumysqa 500 adam tartylady.

Ekinshi kezeńde avtobólshekter jasaý qosylyp, 20 myń avto men kommertsııalyq tehnıkaǵa deıin shyǵarylady. Jumys oryndary sany – 1000.

Ary qaraı óndiris kólemi 30 myń avto jáne kommertsııalyq tehnıkaǵa deıin artyp, mekemede jumys isteıtin qyzmetker sany 2000 adamǵa jetedi.