Qyrǵyzstan memlekettik qyzmetkerler arasynda «tazalaý» júrgizbek

<p>Qyrǵyz Respýblıkasy Memlekettik ulttyq qaýipsizdik komıtetiniń basshysy Qamshybek Tashıev memleketke paıda ákelmeıtin sheneýnikterdiń qylmystyq jaýapkershilikke tartylatynyn málimdedi. Kazinform agenttigi bul týraly Kabar aqparat agenttigine silteme jasap habarlaıdy.</p>

«Biz memlekettik qyzmetkerler arasynda tazartýdy bastaýymyz kerek», - dedi Qyrǵyzstannyń MUQK basshysy Qamshybek Tashıev.

Onyń aıtýynsha, aýdandyq, oblystyq vedomstvolar men mınıstrlikterde memleketke paıda ákelmeıtin, solarǵa zııanyn tıgizetin qyzmetkerler bar.

«Biz olardan ózimizdi tazartýymyz kerek. Olardy qyzmetten bosatyp qana qoımaı, qylmystyq jaýapkershilikke tartý kerek», - dedi ol.

Qamshybek Tashıev aldaǵy ýaqytta sheneýnikterdiń zań buzyp, memleketke zııanyn tıgizbeýi kerektigin atap ótti.

Osyǵan deıin Bishkekte arnaıy operatsııa kezinde Qamshy Kólbaevtyń qaza tapqanyn jazǵan edik.

Qyrǵyzstanda memlekettik keden qyzmetiniń 50-ge jýyq qyzmetkeri marqum bolǵan qylmys áleminiń serkesi Qamshy Kólbaevpen tyǵyz baılanysta bolǵany úshin jumystan shyǵaryldy.