Qyrǵyzstan mal eksportyn ýaqytsha toqtatty

<p>ASTANA. KAZINFORM &ndash; Qyrǵyzstanda iri qara, usaq mal jáne jylqy malyn úshinshi elge eksporttaýǵa tirkeý jáne ruqsat berý ýaqytsha toqtatyldy.</p>

Qyrǵyzstannyń Sý resýrstary, aýyl sharýashylyǵy jáne qaıta óńdeý ónimderi mınıstrliginiń derekteri boıynsha mal eksporty veterınarlyq qyzmettiń Janýarlardy ıdentıfıkatsııalaý jáne qadaǵalaý júıesinde aýyl sharýashylyǵy janýarlaryn eksporttaý ýaqytsha toqtatyldy.

Qabyldanǵan shara eldegi aýylsharýashylyq janýarlarynyń sanyn naqty esepke alýdy qamtamasyz etýge, sondaı-aq veterınarııalyq-sanıtarııalyq normalardyń saqtalýyna baqylaýdy arttyrýǵa baǵyttalǵan. Bul Qyrǵyz Respýblıkasynyń otandyq jáne halyqaralyq seriktesterine kórsetiletin qyzmetterdiń sapasyn arttyrýǵa múmkindik beredi.

– Túgendeý 15-20 kúnge sozylýy múmkin. Odan keıin eksportqa ruqsat alý protsesi qaıta jandanady. Osy kezeńde jiberilgen barlyq ótinimder túgendeý jumystary aıaqtalǵannan keıin birden birinshi kezekte qaralatyn bolady, - delingen habarlamada.

Buǵan deıin Qyrǵyzstanda memlekettik qyzmetkerlerdiń jalaqysyn kóterýge moratorıı engizilgeni habarlanǵan bolatyn.