Qyrǵyzstan kórshilerine qansha sý qajet bolsa, sonsha beredi – Sadyr Japarov

<p>BІShKEK. KAZINFORM &ndash; Bıyl Qyrǵyzstanda sýarmaly sý tapshylyǵyn sheshý úshin jańa táýliktik (TRB) jáne onkúndik (ORB) retteýshi basseınder salynady, bul kórshi elderdi de sýmen qamtamasyz etýge jaǵdaı jasaıdy. Bul týraly Kabar aqparat agenttigine bergen suhbatynda Qyrǵyz Respýblıkasynyń Prezıdenti Sadyr Japarov málimdedi.</p>

Qyrǵyzstandaǵy TRB jáne ORB-da sý jınaý sýarý maýsymy kezinde sýdyń tómengi jaǵyndaǵy elderge kómektese me degen suraqqa túsinikteme bere otyryp, Sadyr Japarov onyń tapsyrmasymen el boıynsha jańa táýliktik jáne onkúndik retteýshi basseınder salynatynyn, sondaı-aq qoldanystaǵylary tazartylatynyn, bul óz kezeginde sýarý maýsymynda aǵyndy sýǵa qatysty daýlar týyndaıtyndyqtan, eń aldymen tómengi aǵystaǵy kórshiles elderge paıda ákeletinin atap ótti.

«Qysta TRB jáne ORB-ǵa erigen sýdy jınaıtyn bolsaq, kóktemnen bastap ózen sýy kórshilerge tolyǵymen aǵyp ketedi. ıAǵnı olar burynǵydan da kóp sý alady. Sýarý maýsymynda dıqandarymyz TRB jáne ORB sýyn, al kórshilerimiz aǵyndy sýdy paıdalana alady.

Ótken joly Bishkekti sý basyp ketkenin kórdińiz. Joǵarǵy táýliktik retteýshi basseınderdiń joqtyǵynan sý qalaǵa aǵyp, kóshelerdi sý basty. Eger TRB bolsa, bul sýdy saqtaýǵa bolar edi. Bul jaǵdaı elimizdiń barlyq aımaqtarynda oryn alyp otyr. Eger qysta sý qoryn jınasaq, ol kórshilerimizge de molynan jeter edi.

Qysta aǵyp jatqan aǵyndy sýdy keıinnen daý týmas úshin tıimdi paıdalanýǵa tyrysamyz. Kórshilerimizge qansha sý qajet bolsa, sonsha beremiz. Solaı bolady», — dedi prezıdent.

Qyrǵyzstan basshysynyń aıtýynsha, ótken jyldary salynǵan TRB men ORB tazartylmaǵan, osy sebepti sý jetkiliksiz jınalyp, sýarý maýsymynda jergilikti sharýalar sý tapshylyǵyn kórgen. Bıyl barlyq basseınderde tazalaý jumystary júrgiziledi.

Qyrǵyz Respýblıkasynyń Prezıdenti Qambar-Ata SES-1 salý máselesine de toqtaldy.

«Bul sý elektr stansasynan kórshiler sý resýrstary túrinde paıda kóredi, al Qyrǵyzstan tek elektr qýatyn ǵana alyp otyr. Biz Naryn sýynyń 1 paıyzyn ǵana sýarý men aýyz sýǵa paıdalanamyz, al 99 paıyzy Ózbekstan men Qazaqstanǵa ketedi. Qambar-Ata SES-1 salynyp bitkende, biz ony qysta elektr qýatyn óndirýge, al sýarý maýsymynda kórshilerimizge Toktogýl SES-ta jınalǵan sýdy jetkilikti mólsherde berýge múmkindik alamyz», — dep túsindirdi S. Japarov.

Sadyr Japarov Qyrǵyzstan qysta elektr qýatyn óndirý úshin Toktogýl sý elektr stansasyn paıdalanatynyn, alaıda eldi elektr qýatymen qamtamasyz etý úshin jazda kelesi qysqy kezeńge sýdy únemdeý úshin ony toqtatýǵa týra keletinin atap ótti. Olar osy máselelerdi sheshý úshin jumys istep jatyr.

«Biz ózimizdi ǵana emes, kórshilerimizdi de oılaımyz. Máńgilik kórshi bolǵan soń, eń mańyzdy máselelerdi oılaýymyz kerek. „Sý basynda bolyp, sý bermeımiz“ dep aıtý ábestik. Bárimiz baýyrlas halyqpyz, máńgi kórshimiz jáne bir-birimizge táýeldimiz. Barlyǵyn tizbeı-aq qoıaıyn, muny halyq jaqsy biledi», — dep túıindedi ol.